Mədəniyyət

Tanınmış əməkdar artist vəfat etdi

29 May 2023 19:12
Baxış: 4 191
VTB-də minimal faiz dərəcəsi ilə nağd kredit 9.9%-dən

Əməkdar artist Elxan Qasımov vəfat edib.

Milli.Az xəbər verir ki, bu barədə APA-ya onun qızı məlumat verib.

Qeyd edək ki, Elxan Məmməd oğlu Qasımov 1945-ci ilin 24 aprelində Naxçıvanda anadan olub.

M.A.Əliyev adına ADİİ-nin aktyorluq (1962-1966), Leninqrad DTMKİ-nun rejissorluq fakültələrində təhsil alıb. Elxan Qasımov daha çox "Əhməd haradadır?" bədii filmindəki "sürücü Əhməd" rolu ilə tanınsa da, həmçinin bədii, sənədli filmlərin, "Mozalan" süjetlərinin müəllifidir.

Bundan başqa, o, "Axırıncı aşırım", "İnsan məskən salır", "İstintaq", "Nəsimi", "Nizami Gəncəvi" kimi filmlərdə də rol alıb.

O, Azərbaycan kino sənətinin inkişafındakı xidmətlərinə görə, 18 dekabr 2000-ci ildə Azərbaycanın əməkdar artisti fəxri adına layiq görülüb.

Elxan Qasımovun bu ilin may ayında səhhətində problemlər yaranıb və özəl xəstəxanaların birində əməliyyat olunub. Ona aorta anevrizmasının partlaması diaqnozu qoyulub və bu günə qədər xəstəxanada reanimasiyada müalicəsi davam etdirilib.

Allah rəhmət eləsin!

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.