Mədəniyyət

Mehriban Zəkinin səhhəti ilə bağlı vəziyyət açıqlandı - YENİLƏNİB

23 Mart 2023 13:28

Baxış: 6 232

VTB-də minimal faiz dərəcəsi ilə nağd kredit 10.49%-dən

#MƏDƏNİYYƏT

13:28

Xalq artisti Mehriban Zəkinin vəziyyəti Mədəniyyət Nazirliyi tərəfindən nəzarətə götürülüb.

Bu barədə Mədəniyyət Nazirliyindən məlumat verilib.

"Xəbər verdiyimiz kimi, tanınmış teatr və kino xadimi, Xalq artisti Mehriban Zəki martın 22-də avtomobil qəzası nəticəsində xəsarət alıb. Hadisədən dərhal sonra Mədəniyyət Nazirliyi tərəfindən aktrisanın vəziyyəti nəzarətə götürülüb. Xalq artistinin xəstəxanaya yerləşdirilməsi, daha sonra başqa müalicə müəssisəsinə köçürülməsi diqqətdə saxlanılır. Mehriban Zəkiyə Allahdan şəfa diləyirik", - məlumatda vurğulanıb.

-------

10:24

Xalq artisti Mehriban Zəkinin səhhəti ilə bağlı son vəziyyəti açıqlanıb.

Bu barədə APA-ya aktrisanın yaxınları məlumat verib.

Qeyd olunub ki, hazırda onun vəziyyəti stabildir.

Xatırladaq ki, dünən Saray yolunda baş vermiş qəzada Əməkdar mədəniyyət işçisi Oqtay Əliyev vəfat edib, həyat yoldaşı əməkdar artist Dilarə Əliyeva və Xalq artisti Mehriban Zəki isə xəsarət alıb.

Axşam saatlarında TƏBİB-in yaydığı məlumata əsasən, Xalq artisti Mehriban Zəki və Dilarə Əliyeva Sumqayıtdan Bakıda yerləşən özəl tibb müəssisələrindən birinə təxliyə olunublar.

Milli.Az