Mədəniyyət

"Baku Jazz Festival"ın ikinci günü maraqlı ritmləri ilə yadda qaldı - VİDEO

18 Noyabr 2022 13:57

Baxış: 1 423

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT #VİDEO

"Baku Jazz Festival" ikinci günü tamaşaçıların yaddaşında braziliyalı ulduz Eloiza Lorensonun qızışdırıcı Latın Amerikası ritmləri ilə yadda qalıb. Parlaq, xarizmatik ifaçı ilk notlardan tamaşaçıları alovlandırdı və nağaraların son döyüntüsünə qədər asanlıqla tamaşaçıların diqqətini çəkdi. HYPNOZE klubunda çərşənbə axşamı axşam atmosferi İpanema və Kopakabana motivləri ilə doldu və tamaşaçılar tez bir zamanda qaranlıq Braziliya gecə ehtirası okeanına qərq oldular. Braziliyalı musiqiçilər Bakı Caz Festivalında ilk iştirak etmirlər, lakin bu tamaşa öz rəngi və dəniz kənarındakı Braziliya caz barının demək olar ki, ev rahatlığı ilə yadda qalıb.

Çıxışda Braziliyanın Azərbaycandakı səfiri Manuel Adalberto Karlos Monteneqro Lopez da Kruz iştirak edib.

Festival günləri hollandiyalı virtuoz pianoçu Mayk del Ferronun, İsrailin Joqef Şetrit qrupunun, alman eksperimental caz vokalçısı Mixael Şifelin qrupunun konsertləri ilə davam edəcək.

Festivalın proqramını əfsanəvi Kenni Vıler-in yeni Sweet Time Suite tamaşasının solisti seçilmiş gitaraçı Federiko Kasaqrande və truba ifaçısı Fulvio Siqurtadan ibarət italyan dueti bağlayacaq.

Noyabrın 17-də gənc caz ifaçıları üçün ənənəvi "I am Jazzman" müsabiqəsinin ikinci turu, noyabrın 19-da Beynəlxalq Muğam Mərkəzində qaliblərin mükafatlandırılması və "Ekalogic"in yekun konserti keçiriləcək.

İnformasiya dəstəyi - Trend.Az, Day.Az, Milli.Az, Azernews.Az