Mədəniyyət

Filarmoniya tərəfindən təşkil olunan abonement konsertlər keçirilir - VİDEO - FOTO

15 Noyabr 2022 14:32

Baxış: 843

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT #VİDEO

Uzun sürən fasilədən sonra, 2022-ci ilin noyabr ayından etibarən, Azərbaycan Respublikasının Mədəniyyət Nazirliyinin dəstəyi ilə Filarmoniya tərəfindən təşkil olunan abonement konsertlərə yenidən start verilmişdir.

Müslüm Maqomayev adına Azərbaycan Dövlət Akademik Filarmoniyasının Kamera və Orqan Musiqisi Zalında ilk abonement konserti keçirilmişdir. Şanlı qələbəmizin II ilinə həsr olunmuş "Şuşaya qayıdış" adlı konsertdə Fikrət Əmirov adına Əməkdar kollektiv Azərbaycan Dövlət Mahnı və Rəqs ansamblının xor qrupu çıxış etmişdir (bədii rəhbər - Azərbaycan Respublikasının Xalq artisti Ağaverdi Paşayev, xormeyster- Azərbaycan Respublikasının Əməkdar İncəsənət xadimi Fəxrəddin Atayev, ansamblın rəhbəri - Azərbaycan Respublikasının Əməkdar artisti Fuad Hacıyev, Konsertmeysterlər - Lalə Bağırzadə və Fərdin Məhəmmədzadə). Konsertdə xor, ilk olaraq Azərbaycan Respublikasının Dövlət Himnini, daha sonra isə Həsən Ağa Adıgözəl-zadənin - "Cəlalı var", Kamalın - "Sən elə bir zirvəsən", Fəxrəddin Atayevin - "Şuşaya qayıdış" və s. kimi bir-birindən gözəl əsərlər ifa etdilər. Həmçinin xor qrupunun tərkibindən Orxan Əlizadə, Səbinə Əlizadə, Zəminə Ağayeva - Mülüm Maqomayev - "Odlar yurdu" və Tofiq Quliyev - "Axşam mahnısı" əsərini solo ifa etdilər. Konsert tamaşaçıların gurultulu alqışları ilə başa çatdı.

II abonement konserti isə "Şuşa ili" çərçivəsində görkəmli bəstəkar F.Əmirovun 100 illiik yubileyinə həsr olunmuşdur. Konsertdə çıxış edən Azərbaycan Dövlət Fortepiano Triosu Ü.Hacıbəyli - "Aşıqsayağı", T.Bakıxanov - 3 nömrəli trio, S.Ələskərov - Romans, F.Əmirov - Azərbaycan xalq mahnısı müvzusunda pyes, F.Əmirov - "Rəqs", Q.Qarayev - "Vals" kimi bir-birindən gözəl əsərlər ifa etmişdirlər.

İnformasiya dəstəyi - Trend.Az, Day.Az, Milli.Az