Mədəniyyət

"Azad edilmiş ərazilərin tarixi irsinin bərpası üzərində fəal işləyirik" - Anar Kərimov

20 Sentyabr 2022 11:09
Baxış: 471

Azərbaycanın əsas məqsədi işğaldan azad edilmiş ərazilərin və mədəni irsin bərpasıdır.

Milli.Az Trend-ə istinadən bildirir ki, bunu mədəniyyət naziri Anar Kərimov "Azərbaycanda mədəni iqtisadiyyat: Şuşa - inkişaf impulsları" mövzusunda keçirilən tədbirdə deyib.

"Bu gün biz işğaldan azad edilmiş ərazilərin fiziki bərpası ilə yanaşı, Qarabağın tarixi irsinin, mədəniyyətinin, dəyərlərinin və adət-ənənələrinin bərpası istiqamətində də fəal işləyirik".

Nazir vurğulayıb ki, Azərbaycanın bu təşəbbüsü həyata keçirmək üçün hər cür imkanları var.

A.Kərimovun sözlərinə görə, mədəniyyət iqtisadiyyatının inkişafında yaradıcılıq sənayesi getdikcə daha çox əhəmiyyət kəsb edir.

O vurğulayıb ki, nazirlik yaradıcı sənayenin inkişafı strategiyasını hazırlayıb.

"Bu strategiya bütün zəruri sahələri, o cümlədən ixrac potensialını, dövlət dəstəyini, təşviqi, eləcə də ÜDM-in ümumi payında bu sektorun artırılmasını əhatə edir. Əminik ki, bizim yaratdığımız şərait özəl sektorun bu sahəyə cəlbinə kömək edəcək", - nazir bildirib.

A.Kərimov əlavə edib ki, yaradıcı sənayedə fəaliyyət göstərən özəl sahibkarlar artıq layihələr həyata keçirməyə başlayıblar.

Milli.Az 

13,99%-dən 40 000 AZN-dək zaminsiz, komissiyasız KREDİT

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics