Hadisə, Kriminal

Azərbaycanda kişinin qollarını bağlayıb "lezvaladılar"

16 Oktyabr 2021 18:06
0 Şərh     Baxış: 1 962

Oktyabrın 15-də gecə saat 23 radələrində Sabirabad rayon Polis Şöbəsinə rayonun Cəngan kənd sakini Hikmət Məmmədovun küt və kəsici alətlərlə döyülmə nəticəsində aldığı ağır bədən xəsarətləri ilə Salyan rayon Mərkəzi Xəstəxanasına gətirilməsi barədə məlumat daxil olub. 

Milli.Az xəbər verir ki, bu barədə lent.az-a Daxili İşlər Nazirliyinin mətbuat xidmətindən məlumat verilib.

Məlumatla əlaqədar aparılan araşdırmalarla H.Məmmədova xəsarət yetirən şəxslər və hadisənin səbəbi müəyyən edilib.

Qeyd olunur ki, Cəngan kənd sakini Səxavət Məmmədov aralarında yaranmış münaqişə zəminində H.Məmmədovu cəzalandırmaq qərarına gəlir. O, bu məqsədlə həmyerliləri olan qohumları - həyat yoldaşının dayısı Ziyad Məmmədov, qayınları Kərim və Nəbi Quluyev qardaşları ilə birlikdə H.Məmmədovun iş yerinə gələrək onun qollarını bağlayıb ağac və kəsici alət olan ülgüclə ona ağır bədən xəsarətləri yetirərək hadisə yerindən qaçıblar.

Yaralı iş yoldaşlarının köməyi ilə xəstəxanaya gətirilib.

Sabirabad rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən dörd nəfər saxlanılıb. 

Faktla bağlı rayon Polis Şöbəsində Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə cinayət işi başlanılıb, istintaq aparılır.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.