Kriminal

1 ildən sonra tapılan avtoxuliqan DANIŞDI: “Hər gün saxlama əmri verilirdi” - VİDEO - FOTO

22 Avqust 2019 16:04
1 Şərh     Baxış: 2 184

"10-15 gün olar. Hər gün saxlama əmri verilirdi. Nömrə maşının öz nömrəsi deyildi. Lipa nömrə idi. Başqa maşının nömrəsi idi".

Milli.Az bildirir ki, bu sözləri ARB TV-yə açıqlaması zamanı uzun müddətdir axtarışda olan 30 yaşlı Kamil Babayev deyib. 

Bu azmış kimi o maşınına taxdığı saxta nömrənin alfabit yazılışına da müdaxilə edib. Səbəbi isə avtomobilin mülkiyyəti olduğu bank tərəfindən axtarışa verilməsi ilə bağlıdır.

Dəfələrlə qayda pozuntusuna yol verdiyindən yol polisi tərəfindən saxlanılmağa cəhd edilsə də, təhlükəli hərəkətlər edərək yayınmağı bacarıb. Amma onu son olaraq yaşadığı, kubinka kimi tanınan ərazidə saxlamaq mümkün olub.

Kamil Babayevin ələ keçməməsi üçün canfəşanlıq edən həm də tanışı Məmmədəli Turabov olub. Həmin dırnaqarası dost isə saxlanılarkən polislərin üzərinə dönər bıçağı çəkib.

Vaqif Əsədov - BŞDYPİ-nin bölmə rəisi: "Kobud yol hərəkət qaydalarını pozaraq ətrafdakıların hərəkətinə real təhlükə yaradıblar. Yəni avtoxuliqanliq edib. Hazırda qeyd edilən sürücü Yasamal rayonu yol polisi şöbəsi əməkdaşları tərəfindən məsuliyyətə cəlb edilib. Bir ildən artıqdır ki, 10- PS-510 Dövlət nömrə nişanı Kamil Babayev tərəfindən evdə saxlanılır".

Nəsimi rayon polis idarəsində toplanılan materiallar əsasında məhkəmə Kamil Babayevi 1 il müddətinə sürücülük hüququndan məhrum edib. Bundan başqa 200 manat cərimə və üstəlik 30 sutka həbs cəsazı da Kamilin əməlinə verilən hüquqi qiymətdir.

Milli.Az 

Məqaləyə dair fotomateriallar:

loading...

Şərh yaz:

1 Şərh:

  • Anonim
    Detektiv · 22 Avqust 18:2431

    Kamil Babayeve suruculuk huququ 5 il muddetine legv edilmekle, avtomobili musadire olunmaqla 5 il azadliqdan mehrum etme, Memmedeli Turabov ise polis emekdasina silahli muqavimet gostererek onlarin vezifelerinin icrasina mane olmagina gore ise 5 il azadliqdan mehrum etme ile cezalanmalidir. Esl edalet budur menim fikrimce. Cunki belelri oz hereketleri ile basqalarinin heyatini tehluke altina salirlar. Bu hereket tekrar olunarsa , onda suruculuk huququndan omurluk, avtomobil musadire olunmaqla10 il azadliqdan mehrumetme cezasi ile cezalandirilmalidirlar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.