Kriminal

Azərbaycanlı qadın alverçisi Dubayda tutulub Bakıya gətirilidi

28 Oktyabr 2014 15:22
1 Şərh     Baxış: 2 430
VTB-də minimal faiz dərəcəsi ilə nağd kredit 9.9%-dən
#KRİMİNAL

Cinayətkar qruplaşmaya rəhbərlik edən qadın 7 il axtarışda olub

7 il İnterpolun qırmızı xətti üzrə axtarışında olan azərbaycanlı qadın tutulub.

Lent.az-ın vesti.az-a istinadən məlumatına görə, insan alveri ilə məşğul olmaqda ittihan edilən Şəmkir rayon sakini, 1966-cı il təvəllüdlü Həsənova Almaz Sarı qızı Birləşmiş Ərəb Əmirlilərinin Dubay əmirliyində saxlanılıb və daha sonra Daxili İşlər Nazirliyinin İnsan Alverinə qarşı Mübarizə İdarəsinin əməkdaşlarına təhvil verilib.

İnsan Alverinə qarşı Mübarizə İdarəsinin məlumatına əsasən, A.Həsənova BƏƏ-də cinayətkar qrupa başçılıq edib. O, təkcə qadınları fahişəliyə cəlb etmə fəaliyyəti ilə məşğul olmayıb. A.Həsənova tabeliyindəki fahişələri ərəb müştərilərindən oğurluq etməyə də məcbur edirmiş.

Bildirilir ki, 48 yaşlı A.Həsənova azərbaycanlı qadınları aldadaraq BƏƏ-ə aparıb, sonra onları cinsi istismara məruz qoyub. Daha sonra isə o, qurbanlarını digər qadınları bu işə cəlb etməyə məcbur edib.

Hazırda yaxalanmış qadına açılmış cinayət işində 3 qurbanın adı hallanır. Həmçinin mütəşəkkil cinayətkar qrupun daha 2 üzvü A.Həsənova ilə əlbir olduğuna görə saxlanılaraq məsuliyyətə cəlb edilib. Saxlanılan şəxsin məhkəməsi yaxın günlərdə başlayacaq.

Qeyd edək ki, qrupun digər üzvləri BƏƏ-nin hüquq mühafizə orqanları tərəfindən axtarılır və yaxın zamanlarda onlar da cinayət məsuliyyətinə cəlb ediləcəklər.

Əməliyyat-axtarış və istintaq tədbirləri davam etdirilir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.