Kriminal

Azərbaycanda "VAZ"ların qənimləri tutuldular

27 Oktyabr 2014 14:54
0 Şərh     Baxış: 1 252
VTB-də minimal faiz dərəcəsi ilə nağd kredit 9.9%-dən
#HADİSƏ #KRİMİNAL

Azərbaycanda avtomobil oğurluğu ilə məşğul olanlar saxlanılıblar

Trend-in Daxili İşlər Nazirliyinin saytına istinadən verdiyi məlumata görə, oktyabrın 25-də Sabunçu rayonunun Maştağa qəsəbəsindən qəsəbə sakini Elxan Yusifova məxsus "VAZ-21061" markalı avtomobil qaçırılıb.

Sabunçu RPİ 14-cü PB əməkdaşlarının həyata keçirdikləri əməliyyat-axtarış tədbirləri nəticəsində avtomobilin qəsəbə sakini Vüqar Əzizov tərəfindən qaçırılması və idarə edilərkən yolun kənarındakı ağaca vurması müəyyən edilib və o tutulub.

Digər avtomobil oğurluğu Siyəzən rayonu ərazisində qeydə alınıb.

Oktyabrın 26-da Bakı şəhər sakini Murad Vəliyev Siyəzən RPŞ-yə ərizə ilə müraciət edərək həmin gün saat 07 radələrində Sarvan kəndində "VAZ-2106" markalı avtomobilin qaçırılmasını bildirib.

Siyəzən RPŞ və Şabran RPŞ əməkdaşlarının həyata keçirdikləri əməliyyat-axtarış tədbirləri nəticəsində avtomobili qaçırmış Ağdaş rayon sakini, əvvəllər məhkum olunmuş Elman Qədirov tutulub.

Bundan əlavə oktyabrın 26-da Yevlax şəhərindən şəhər sakini Vüqar Məmişova məxsus "VAZ-2106" markalı avtomobil qaçırılıb. BDYPİ əməkdaşlarının həyata keçirdikləri əməliyyat-axtarış tədbirləri nəticəsində avtomobil həmin gün şəhər ərazisində tapılıb, onu qaçırmış şəhər sakini Orxan Nəbiyev isə Yevlax RPŞ-nin əməkdaşları tərəfindən tutulub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.