Kriminal

Bakıda cibgirlərin "Baron"u həbs edildi - VİDEO

27 Oktyabr 2014 12:48
1 Şərh     Baxış: 2 411
VTB-də minimal faiz dərəcəsi ilə nağd kredit 9.9%-dən
#KRİMİNAL #VİDEO

Onun həyat yoldaşı da əvvəllər oğurluq və cibgirliyə görə məhkum olunub

Nizami Rayon Polis İdarəsinin əməkdaşları əvvəllər qəsdən adam öldürmə və oğurluq maddələri ilə dəfələrlə məhkum olunan 1971-ci il təvəllüdlü Əmirov Sahib Əsgər oğlunu cibgirlik etdiyinə görə həbs ediblər.

APA TV-nin məlumatına görə, Sumqayıt şəhər sakini həyat yoldaşı ilə bərabər tutulub. Sentyabrda rəsmi nikaha girən Əmirovun həyat yoldaşı da əvvəllər oğurluq və cibgirlik cinayətlərinə görə dəfələrlə məhkum olunub.

"Həyat yoldaşım da əvvəllər tutulub, cəzasını çəkib, çıxıb. Polislər bizi bir yerdə gördülər, yoldaşımı tanıdılar. Bir yerdə idik".

Sahib Əmirov öz "həmkarı" ilə ailə qurmasının səbəbini belə izah edib: "Nə olsun ki, cibgirdir. Guya mən kiməm ki?"

İstintaq araşdırması zamanı məlum olub ki , Sahib Əmirov 8-ci kilometr ərazisində cibgirlərin fəaliyyətinə nəzarət edənlərdən biri, kriminal aləmdə "cibgirlərin baronu" kimi tanınan şəxs olub. Saxlanılan zaman onun üstündən şəxsi istehlak miqdarından artıq heroin aşkarlanıb. Əmirovun sözlərinə görə, narkotik vasitələrdən ara-sıra istifadə edirmiş.

"Hərdən yeri gələndə istifadə etmişəm. Mən bu işin yolçusu deyiləm. Pul olanda iynə vururam".

İdarənin istintaq şöbəsindən bildiriblər ki , oğurlanan əşyalar və narkotik vasitə Əmirovun üstündən çıxdığından həyat yoldaşı araşdırma bitənədək sərbəst buraxılacaq. Faktla bağlı oğurluq və narkotik vasitələrin qanunsuz dövriyyəsi maddəsi ilə cinayət işi başlanıb.

Milli.Az

Videonu izləmək üçün şəklə klikləyin.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.