Kriminal

Bakıdan saxta pasportla Almaniyaya getmək istədi, həbs olundu

28 Yanvar 2026 15:44

Baxış: 1 435

VTB-də minimal faiz dərəcəsi ilə nağd kredit 9.9%-dən

#HAVA LİMANI #ALMANİYA

Heydər Əliyev Beynəlxalq Hava Limanında saxta pasportdan istifadə edərək Almaniyaya getməyə cəhd edən 1985-ci il təvəllüdlü Əlcəzair vətəndaşı Keddau Abdelhamid həbs olunub.

Milli.Az xəbər verir ki, o, əvvəlcə Dövlət Sərhəd Xidmətinin sərhəd nəzarəti şöbəsinin sənədlərin yoxlanışı sərhəd naryadına Türkiyəyə
gedəcəyini deyərək özünə aid Əlcəzair pasportunu təqdim edib.

O, rəsmi prosedurdan keçdikdən sonra gözləmə zalına keçib və bu zaman da Bakı-Frankfurt reysinə qeydiyyat aparıldığını görüb.

Abdelhamid fürsətdən istifadə edərək onlayn qaydada saxta Belçika pasportu ilə bilet alıb və təyyarənin minik qapısına yaxınlaşıb.

Lakin aviaşirkət əməkdaşı təqdim edilən pasportun müvafiq səhifəsində Azərbaycan Respublikası Dövlət Sərhəd Xidməti Sərhəd Nəzarətinə məxsus giriş-çıxış tarix ştampları olmadığını görüb və aidiyyəti üzrə məlumat verib.

Saxta pasportu Belçikadan 2000 avro qarşılığında alan Əlcəzair vətəndaşı törətdiyi əmələ görə Azərbaycanda 7 ay həbsdə qalmalı olacaq. /Teleqraf

Milli.Az