Kriminal

Nail Kəmərlinin evindən oğurluğa cəhd edən şəxs saxlanıldı - Yenilənib

4 Dekabr 2024 22:03

Baxış: 2 756

#OĞURLUQ #APARICI #DAXİLİ İŞLƏR NAZİRLİYİ

22:03

Nərimanov Rayon Polis İdarəsi əməkdaşlarının keçirdikləri tədbirlərlə rayon ərazindəki mənzillərin birindən 2000 manat dəyərində samovar oğurlamaqda şübhəli bilinən əvvəllər dəfələrlə məhkum olunmuş Anar Babayev müəyyən olunaraq saxlanılıb.

"Qafqazinfo" xəbər verir ki, araşdırmalarla A.Babayevin ötən günlərdə paytaxtın Yasamal rayonu ərazisində bloqer Nail Kəmərlinin mənzilindən oğurluğa cəhd edən şəxs olması da müəyyən edilib.

Məlumatı DİN-in mətbuat xidmətindən təsdiqləyiblər.

Faktlar üzrə hazırda istintaq araşdırması aparılır.

--------------
2024.12.02

Bloger Nail Kəmərli (Nail Babayev) evindən oğurluq etmək istəyən şəxsin görüntülərini yayıb.

O, bu barədə sosial şəbəkə hesabında paylaşım edib.

Kəmərli qeyd edib ki, naməlum şəxs binaya daxil olaraq qonşulardan birinin çöldə olan ayaqqabısını oğurlayıb. Daha sonra onu öz ayaqqabısı ilə dəyişərək blogerin evinə yaxınlaşıb.

Sözügedən şəxsin siması da videoda görüntülənib.

Bloger bu barədə paylaşım edərək vətəndaşları diqqətli olmağa çağırıb.

"Qapılarınızı açıq qoymayın, evlərinizin önünə kameralar yerləşdirin, tanımadığınız şəxslərə qapını açmayın" - deyə, Kəmərli qeyd edib.

Daxili İşlər Nazirliyi (DİN) bloger Nail Kəmərli evindən oğurluq etmək istəyən şəxslə bağlı açıqlama verib.

Milli.Az xəbər verir ki, DİN-in Mətbuat Xidmətinin baş inspektoru polis leytentantı Elbrus İbrahimov BAKU.WS-ə bildirib ki, görüntülər yenidən izlənilib və bununla bağlı araşdırmalara başlanılıb:

"Məlumat üçün bildirək ki, məsələ ilə bağlı artıq polis əməkdaşları araşdırmalara başlayıblar. Kamera görüntüləri təkrar izlənilib. Araşdırmaların nəticəsi barədə əlavə məlumat veriləcək".

Milli.Az