Kriminal

İş yoldaşını öldürməkdə şübhəli bilinən FHN əməkdaşı tutuldu - YENİLƏNİB

10 İyun 2024 17:32

Baxış: 3 018

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #YOL #SÜRÜCÜ #GƏNCƏ #FHN

İyunun 10-da, saat 15 radələrində bir nəfər şəxsin odlu silahdan açılmış atəş nəticəsində ölməsi barədə Gəncə şəhər prokurorluğuna məlumat daxil olub.

Gəncə şəhər prokurorluğundan Milli.Az-a verilən məlumata görə, araşdırmalarla 1994-cü il təvəllüdlü Zahid Sarıyevin aralarında yaranmış mübahisə zamanı şəhər avtovağzalının qarşısında iş yoldaşı 1998-ci il təvəllüdlü Mehrac Əsədova odlu silahdan atəş açaraq onu qəsdən öldürməsinə əsaslı şübhələr müəyyən edilib.

Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır. Zahid Sarıyev şübhəli şəxs qismində tutulub.

--------

16:27

Gəncədə baş verən qəzanın təfərrüatları məlum olub.

Milli.Az axar.az-a istinadən bildirir ki, "VAZ-2106" markalı minik maşınında Fövqəladə Hallar Nazirliyinin iki əməkdaşı mübahisə edib. Mübahisədən sonra bir digərini odlu silahla vurub. 1991-ci il təvəllüdlü Mehrac Əsədov aldığı güllə yarasından hadisə yerində ölüb.

Nəticədə minik maşını yoldan çıxaraq ağaclığa düşüb.

Milli.Az
Xəbərlərimizi WhatsApp kanalımızdan da oxuyun