Kriminal

Bərdədə dəhşətli qətl - Qardaşının keçmiş arvadı ilə evlənən gənci...

21 Sentyabr 2023 13:28

Baxış: 7 275

VTB-də minimal faiz dərəcəsi ilə nağd kredit 9.9%-dən

Ötən il Bərdə rayonu Lənbəran kəndində tanışı, 32 yaşlı İsrəfil Hüseynovu güllələyərək qətlə yetirən 1973-cü il təvəllüdlü S.Hacıyevin məhkəməsi başa çatıb.

Milli.Az qafqazinfo-ya istinadən xəbər verir ki, S.Hacıyev Cinayət Məcəlləsinin 120.1-ci (Qəsdən adam öldürmə) maddəsi ilə təqsirli bilinib.

Məhkəmədə bildirilib ki, S.Hacıyevin qardaşı 2019-cu ildə həyat yoldaşından boşanıb və 2021-ci ildə vəfat edib. Bundan sonra mərhumun həyat yoldaşı İ.Hüseynovla birgə yaşamağa başlayıb. S.Hacıyev və qohumları qardaşının keçmiş arvadının övladları ilə birgə İsrəfillə birgə yaşamasına etiraz ediblər və münaqişə baş verib.

Bundan sonra S.Hacıyev İsrəfili qətlə yetirmək qərarına gəlib və avtomobilinə silah qoyaraq onu görəndə güllələyəcəyini bildirib. Hadisə baş verən gün də S.Hacıyev İsrəfilin maşınla gəldiyini görərək onu saxladıb və yolun kənarında 2 dəfə atəş açaraq qətlə yetirib.

Gəncə Ağır Cinayətlər Məhkəməsinin hökmü ilə S.Hacıyevə 11 il həbs cəzası təyin edilib.

Milli.Az