Kriminal

Narkotik daşıyan “Wolt” kuryerləri saxlanıldı - Bakıda əməliyyat - VİDEO - FOTO

3 Fevral 2023 15:11

Baxış: 2 646

VTB-də minimal faiz dərəcəsi ilə nağd kredit 9.9%-dən

#VİDEO #NARKOTİK #DAXİLİ İŞLƏR NAZİRLİYİ

Səbail RPİ-nin 9-cu Polis Bölməsinin keçirdiyi tədbirlərlə paytaxtda narkotik vasitələrin qanunsuz dövriyyəsi ilə məşğul olan kuryer şirkətinin əməkdaşları - Sübhan Qəhrəmanov və Elgün Quliyev saxlanılıblar.

Milli.Az DİN-nin Mətbuat xidmətinə istinadən xəbər verir ki, onların üzərində şəxsi axtarış aparılan zaman 6 qrama yaxın marixuana aşkar edilib.

İlkin sorğu zamanı bu şəxslər narkotikləri həmkarları Ayxan adlı şəxsdən onlayn yolla aldıqlarını bildiriblər. Əməliyyat tədbirlərinin davamı olaraq həmin şəxs - Ayxan Məmmədov da tutularaq istintaqa təqdim edilib.

Onun üzərindən və evindən isə 7 qrama yaxın marixuana aşkar edilib. Ayxan Məmmədov isə ifadəsində narkotik vasitələri satmaq məqsədi ilə Məhəmməd adlı şəxsdən aldığını bildirib. Adı çəkilən sonuncu şəxsin tutulması istiqamətində keçirilən əməliyyat zamanı əvvəllər dəfələrlə məhkum olunmuş Məhəmməd Hacıyev də saxlanılıb. Onun idarə etdiyi avtomobildən 5 kiloqramdan artıq marixuana akar edilib.

Məhəmməd Hacıyev paytaxt ərazisində taksi fəaliyyəti adı altında narkotik vasitələrin satışı ilə məşğul olduğunu bildirib. O, marixuananı sosial şəbəkələrdə tanış olduğu şəxsiyyəti məlum olmayan İran vətəndaşından aldığını qeyd edib. Aşkar edilən faktlarla bağlı toplanan materiallar Səbail Rayon Polis İdarəsinin İstintaq Şöbəsinə göndərilib, araşdırmalar davam edirilir.

Qeyd edək ki, 9-cu Polis Bölməsinin keçirdiyi sonuncu əməliyyatlar zamanı narkotiklərin qanunsuz dövriyyəsi ilə məşğul olan əlavə 5, həmçinin üzərində qanunsuz olaraq odlu silah-sursat gəzdirən 1 nəfər saxlanılıb. Onlardan müxtəlif xassəli narkotik vasitələr və 1 ədəd "Makarov" markalı tapança aşkar olunaraq götürülüb.

"Qafqazinfo"nun əldə etdiyi məlumata görə, tutulan kuryerlər "Wolt" şirkətinin əməkdaşları olub.

Milli.Az