Kriminal

Bakıda nəzir yığan gözdən əlil soyulub

9 Dekabr 2022 08:09
Baxış: 1 072
VTB-də minimal faiz dərəcəsi ilə nağd kredit 9.9%-dən

Bakının Xəzər rayonu, Türkan qəsəbəsində "İmam Hüseyn" məscidi qarşısında nəzir yığan şəxsə qarşı soyğunçuluq edən 1988-ci il təvəllüdlü Ağakərim Məmmədovun (soyad şərtidir) məhkəmə prosesi başa çatıb.

Milli.Az "qafqazinfo"ya istinadən xəbər verir ki, Xəzər Rayon Məhkəməsinin hökmünə əsasən, onun azadlığı 1 il 10 ay 6 gün müddətində məhdudlaşdırılıb.

Qeyd edək ki, hadisə ötən ilin avqustun 9-da baş verib. Belə ki, Rzali adlı gözdən əlil məscidinin önündə sədəqə yığan zaman, Ağakərim ona yaxınlaşıb və 10 manatı xırdalamasını istəyib. Rzali həmin vaxt ona pulları tanımadığını və xırdalaya bilməyəcəyini deyib. Ağakərim də pula ehtiyacı olduğundan əlini qəflətən onun şalvarının sol cibinə salıb və cibində olan 1 manatlıq əskinaslardan ibarət pulları götürərək qaçıb. Bu, cəmi 30 manat olub.

Maraqlıdır ki, Ağakərimin özü də əvvəllər Rzaliyə bir neçə dəfə sədəqə verib.

Hadisənin səhəri gün polislər Ağakərimi görüntü kamerası vasitəsi ilə müəyyənləşdirib və saxlayaraq Xəzər RPİ-nin 1-ci PŞ-nə gətiriblər. O, orada
törətdiyi cinayət əməlini səmimi olaraq etiraf edib.

Əlavə edək ki, zərərçəkmiş şəxsin 1992-ci ildən gözləri görmür və 1-ci qrup əlildir. O, məhkəmədə ona dəyimiş ziyanın ödənilmədiyini, bu səbəbdən Ağakərimdən şikayətçi olduğunu bildirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.