Ölkə

Düşmənin qorxulu yuxusuna çevrilən şəhidimiz - VİDEO

11 Oktyabr 2021 13:28
0 Şərh     Baxış: 570

Şəhid  Murad Nağıyev. Azərbaycanın ərazi bütövlüyü uğrunda gedən vətən müharibəsində şəhidlik zirvəsinə ucalan qəhrəmanlarımızdan biri. Murad Nağıyev hərbçi olmaq üçün ömrünün 9 ilini bu sahənin incəliklərini öyrənməyə həsr edib. Vətən müharibəsinin ilk günündən tank komandiri olaraq döyüşlərdə iştirak edib. Füzuli, Cəbrayıl, Zəngilan və Hadrut istiqamətlərində düşmənin xeyli sayda strateji obyektini, zirehli texnikasını və 50-yə yaxın şəxsi heyətini məhv edib. Bu gün şəhid Murad Nağıyevin  anım günüdür.

Komandirləri və rütbəcə yüksək yoldaşları gənc zabiti döyüşə girməməyə razı salmağa çalışsalar da, o, "Mən zabitəm, öz tankımda özüm gedəcəyəm!" - deyərək, döyüşə ön sıralarda atılıb.

Şəhid leytenant Murad Nağıyev. 2011-ci ildə C. Naxçıvanski adına Hərbi Liseyə qəbul imtahanlarında iştirak edən şəhidimiz yüksək nəticə göstərdiyinə görə İstanbuldakı Kuleli Hərbi Liseyinə göndərilib. 2015-ci ildə həmin liseyi uğurla başa vurub və Ankarada Quru Qoşunları Məktəbinə daxil olub. O, 2016-cı ildə təhsilini bitirərək Azərbaycana qayıdır və Heydər Əliyev adına Azərbaycan Ali Hərbi Məktəbində yenidən təhsil almağa qərar verir. 2020-ci ildə məzun olan Murad Nağıyev hərbçi olmaq üçün ömrünün 9 ilini bu sahənin incəliklərini öyrənməyə həsr edib. 27 sentyabrda başlayan Vətən müharibəsinə elə həmin gün yollanıb. O, tank komandiri olaraq Kənd Horadizin alınmasında şücaət göstərib. Füzuli, Cəbrayıl, Zəngilan və Hadrut istiqamətlərindəki döyüşlərdə düşmənin xeyli sayda strateji obyektini, zirehli texnikasını və 50-yə yaxın şəxsi heyətini məhv edib.

Milli.Az Xəzər Tv-Və istinadən bildirir ki, bu gün şəhid Murad Nağıyevin  anım günüdür. O, Cəbrayıl rayonu istiqamətində  gedən döyüşlərdə şəhidlik zirvəsinə ucalıb. Şəhidin anım mərasimi  İkinci fəxri xiyabada keçirilib. Mərasimdə iştirak edən şəhidin ailə üzvləri , yaxınları, döyüş yoldaşları onun xatirəsini anıb , döyüş yolundan bəhs ediblər.

Şəhid Murad Nağıyev ölümündən sonra "Vətən uğrunda", "Cəbrayılın azad olunmasına görə" medalları ilə təltif edilib.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.