Ölkə

Azyaşlı qohumuna cinsi təcavüz edən Şahin Rüstəmovdan YENİ XƏBƏR VAR

7 Oktyabr 2021 10:46

0 Şərh Baxış: 3 062

Neftçala rayonunda qohumu olan azyaşlı qıza təcavüz etməkdə təqsirləndirilən Şahin Rüstəmovun cinayət işi üzrə məhkəmə istintaqı başa çatıb.

Milli.Az bildirir ki, Lənkəran Ağır Cinayətlər Məhkəməsində hakim Əli Əliyevin sədrliyi ilə keçirilən prosesdə hökm oxunub.

Hökmə əsasən Ş.Rüstəmov cəzasını ciddi rejimli cəzaçəkmə müəssisəsində çəkməklə 14 il 6 ay azadlıqdan məhrum edilib.

Qeyd edək ki, rəsmi məlumata görə, 2018-ci ilin mart ayında rayonun Mirqurbanlı kənd sakini, 59 yaşlı şəxs qohumu olan azyaşlı qıza cinsi təcavüz edib.

Qeyd olunan hərəkətlərdə on altı yaşına çatmayan şəxslə cinsi əlaqədə olma və ya seksual xarakterli digər hərəkətlərin tərkib əlamətləri olduğundan fakta görə, Azərbaycan Respublikası CM-nin 152.1-ci maddəsi cinayət işi başlayıb, zəruri istintaq hərəkətləri davam etdirilir.

Cinayət əməlində təqsirləndirilən şəxsin barəsində rayon məhkəməsinin qərarı ilə 3 aylıq həbs qətimkan tədbiri seçilib.

Milli.Az