Ölkə

Bakıda bəzi sakinlər şəxsi evlərində kirayə qalırlar - Ekspert

25 Sentyabr 2021 13:33
2 Şərh     Baxış: 1 608

Paytaxtda yeni yaşayış binalarını idarə edən mənzil-tikinti kooperativləri (MTK) tikililərin saxlanılması üçün sakinlərdən böyük məbləğdə vəsait yığır. Bu səbəbdən bəzi vətəndaşlar şəxsi evlərində kirayə qalırmış kimi yaşayırlar.

Milli.Az bildirir ki, bunu Trend-ə açıqlamasında əmlak məsələləri üzrə ekspert Elnur Fərzəliyev deyib.

O bildirib ki, yeni tikililərin idarəsi müəyyən səviyyədə dövlətin nəzarətinə verilməlidir:

"Bu gün yeni tikililərdə idarəetmə ilə bağlı ciddi problemlər var. Sovet dövründə binaların idarə edilməsinə mənzil istismar idarələri baxırdı. Həyət-bacanın təmizliyi, dam örtüyünün dəyişdirilməsi və s. onların öhdəliyində idi. İndi də köhnə tikililərlə bağlı vəziyyət eynidir, lakin yeni yaşayış binalarında sakinlər daim aylıq yığılan vəsaitin çoxluğundan şikayət edirlər. Məsələn, lift xarab olur, su nasosu işləmir, bunun üçün sakinlərdən əlavə pul yığılır. Gələcəkdə binaların xarici görünüşü ilə bağlı da problemlər yaşanacaq, lakin MTK-ların təmir üçün kifayət qədər büdcəsi olduğunu düşünmürəm. İstənilən binanın xarici görünüşü şəhərin estetik gözəlliyinə xidmət edir. Müəyyən zaman keçdikdən sonra bu binaların fasadları sökülsə, dam örtüyü dağılsa, təmir üçün çox ciddi vəsait lazım olacaq. Hesab edirəm ki, dövlət bu binalara hansısa formada nəzarət etməlidir. Bunun üçün müəyyən bir yolla büdcə formalaşdırılmalıdır ki, binaların saxlanılması təmin edilsin".

Ekspert bildirib ki, yeni tikililərin idarəetməsini bələdiyyələrə həvalə etmək olar:

"Bir çox ölkədə idarəetmələr bələdiyyələr tərəfindən aparılır. Belə olsa, kommunal xərclərin də miqdarı azalar, ödənişlər də rəsmiləşər və konkret tariflər müəyyənləşdirilər. Təsəvvür edin ki, bu binalarda minlərlə insan çalışır. Onların iş yerləri də rəsmiləşər, bələdiyyənin nüfuzu artar və vətəndaş-bələdiyyə münasibəti formalaşar. Hazırkı vəziyyətdə MTK-lar tərəfindən xeyli vəsait yığılır, amma bu vəsait qarşılığında göstərilən xidmət azdır. Bəzi vətəndaşlar şəxsi evlərində kirayə qalırmış kimi pul verirlər".

Milli.Az

Şərh yaz:

2 Şərh:

  • Anonim
    Ayan · 25 Sentyabr 16:4410

    Aktual meseledir. Amma dovlet tabeciliyinde olan menzil-istismar sahelerinin de budcesinde vesait olmadigimdan,kohne tikililerin de acinacaqli veziyyeti sirr deyildir. Her bir problem vetendashin shexsi vesaiti hesabina hell olunur. Sebebi de melumdur,muzakire olunmur. Bura Azerbaycandir!!!

    Cavab yaz
  • Anonim
    АNAR · 26 Sentyabr 16:1300

    Yada Kirastal mtk kimi yaxsi bir sirketler olmalidi her bir pirablemi hell etsinsinler.Belidiyeler mtk nin gorduyu isi gormeyecek yalniz pul yeyecek belediyiler onan yaxsisa budcesi olan mtkalara usdunluk icaze verilmelidi bina tikmek ucun gelecekde her hansi pirablemi olsa binanin hell ede bilsinler budcesi yaxsi olan mtk isini goren mtklara aydiyati olmasin.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.