Ölkə

Ekspert: "Bir çox ölkələr yenidən məhdudlaşdırıcı tədbirlər tətbiq edirlər"

8 İyul 2020 09:49
3 Şərh     Baxış: 1 601

İndi yalnız Azərbaycan deyil, dünyada bir çox ölkələr COVİD-19-un yayılmasının qarşısının alınması üçün yenidən məhdudlaşdırıcı tədbirlər tətbiq edirlər.

Milli.Az xəbər verir ki, bunu Trend-ə tibb üzrə fəlsəfə doktoru Yazgül Abdiyeva deyib.

Onun sözlərinə görə, virusun yayılmasının qarşısının alınması üçün Azərbaycanda yoluxmanın qeydə alındığı ilk gündən qabaqlayıcı tədbirlər görülməyə başlanıldı: "Əsas məqsəd insanlarımızı, onların sağlamlığını, həyatını bu xəstəlikdən qorumaqdır. Lakin heç bir ölkə tam şəkildə özünü sığortalanmış hesab edə bilməz. Bu gün pandemiyadan ən çox əziyyət çəkən ölkələr inkişaf etmiş ölkələrdir. Azərbaycanla əhalisi eyni olan bəzi inkişaf etmiş ölkələrdə yoluxanların sayı 60-70 min, ölənlərin sayı isə 10 min nəfərdir".

Azərbaycanda ölüm halının daha az olduğunu söyləyən mütəxəssis qeyd edib ki, ölkədə epidemioloji vəziyyətə uyğun olaraq, məhdudlaşdırıcı tədbirlər görülür. Bu tədbirlərin icrası ilə bağlı qərarlar qəbul olunarkən mövcud vəziyyət dərindən təhlil olunur, mütəxəssislərlə məsləhətləşmələr aparılır.

Hazırkı dövrdə əhalinin də qaydalara əməl etməsi baxımından olduqca məsuliyyətli olmasını vacib sayan Y.Abdiyeva əlavə edib ki, mövcud qanunlar və karantin rejimi ilə bağlı tətbiq edilən qaydalar hər kəs üçün əsas olmalıdır.

Onun sözlərinə görə, ölkədə COVİD-19-a qarşı mübarizə aparmaq üçün bütün addımlar atılır. Hazırda ölkəmizin 45 xəstəxanasında koronavirus xəstələri müalicə alırlar. Onlardan 36-sı son müddət ərzində inşa edilib. Ölkədə ehtiyac yaranacağı təqdirdə 5 mindən çox xəstənin yerləşdirilməsi üçün potensial mövcuddur.

Milli.Az

loading...

Şərh yaz:

3 Şərh:

  • Anonim
    İlqar Oruc · 8 İyul 10:3032

    Karantinin şərtlərini yenidən ölkə üzrə azı 20 gün sərtləşdirmək lazımdır. Günü sabahdan. Yoxsa çox pis vəziyyətdə qalacayıq.

    Cavab yaz
  • Anonim
    elya · 8 İyul 11:0540

    sexsen men Almanyada Hamburgda yasayiram her sey burda serbestdi hal hazirda restorantlar isleyir negliyyat vasiteleride hemcini yeni evvelki kimi virusdan önce neceydise helede heyat davam edir. sadece maska taxilmasi ve mesafe gözlemek gadagasi var. onada herkes emel edir. metrolarin syi artirilib aftobuslarinda hec sixlig deyil. nezerede alsazki azerbaycn ehalisinin sayi ile almanya ve ya basga inkisaf etmis ölkeleri o zaman tebiiki ölüm hali az ola biler ölkemizde . allahdan isteyim Azebaycanimiz daim yükseklerde olsun bütün bu derd bela düya üzerinden yox olsun dünya salamet olsun olmazsa bizim ölkemizdeher zaman zerer cekecek milletleri gorusun bu lenet olasi virus

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.