Ölkə

Astaraçay üzərində yeni körpü tikiləcək

20 May 2020 14:54
0 Şərh     Baxış: 1 660
VTB-də minimal faiz dərəcəsi ilə nağd kredit 9.9%-dən
#IRAN #AZƏRBAYCAN #KÖRPÜ

Yaxın gələcəkdə İran İslam Respublikası və Azərbaycan Respublikası arasında Astaraçay çayı üzərində yeni körpünün tikilməsinə başlanacaq.

Milli.Az Trend-ə istinadən xəbər verir ki, bunu İranın şimalında yerləşən Gilan vilayətinin Astara rayonunu qubernatoru Həsən Rüstəmzad deyib. 

H.Rüstəmzadın sözlərinə görə, bu körpü İran və Azərbaycan arasında Astaraçay üzərində 3-cü beynəlxalq körpü olacaq və ondan tranzit yük maşınlarının keçməsi üçün istifadə olunacaq.

Rüstəmzad deyib ki, bu körpünün inşa olunmasına 400 milyard rial (təxminən 9,5 milyon dollar) vəsait ayrılıb.

O əlavə edib ki, Astara dəmiryolu terminalı ərazisində taxıl və neft anbarları inşa edilməkdədir. Azərbaycan bu layihələrin icra olunması üçün 60 milyon dollar investisiya yatırıb.

Astara-Rəşt dəmir yolunun 10 kilometri İranın Astara rayonu ərazisindədir. Bu dəmir yolunun inşasına 600 milyard rial (təxminən 14,2 milyon dollar) vəsait ayrılıb və inşa işləri davam edir.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.