Ölkə

Koronavirusa qarşı vaksin hazırlayan azərbaycanlı alim: “Sağalanların sayı artımla davam edir”

9 Aprel 2020 19:19
0 Şərh     Baxış: 3 822
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Dünyada koronavirusa yoluxma halı azalır, virusdan sağalanların sayı isə artımla davam edir".

Milli.Az xəbər verir ki, bunu Modern.az-a koronavirus pandemiyası barədə danışarkən vaksinlərin hazırlanması üzrə mütəxəssis, alim Tərlan Məmmədov söyləyib. O qeyd edib ki, koronavirusun yayılma tempinin aşağı düşməsi insanların bu təhlükənin mahiyyətini daha yaxşı anlamaları ilə əlaqədardır:

"Hər kəs koronavirusun nə dərəcədə dəhşətli olduğunu görür, küçəyə çıxmırlar. Eyni zamanda, dövlətlər tərəfindən də tədbirlər gücləndirilib. Müəyyən dərmanlar var ki, xəstəliyin simptomlarını, nəticələrini yüngülləşdirməyə kömək edir. Artıq tibb həmin dərmanların müsbət nəticələrini əldə etməyə başlayıb. Ölüm sayı çox olan ölkələrdə əsas məsələ süni tənəffüs aparatlarının yetməməsidir. Vəziyyəti ağır olan xəstələrin süni tənəffüs aparatına qoşulmaması mütləq ölümlə nəticələnə bilər. Koronavirusun sona çatması, bütün dünyanın rahat nəfəs alması vaksinin hazırlanması ilə mümkün ola bilər".

Türkiyənin Ağdəniz Universitetinin professoru olan Tərlan Məmmədov vaksin hazırlanması ilə bağlı işlərin davam etdirildiyini diqqətə çatdırıb:

"Xüsusilə, ağır xəstələrin vəziyyətinin normallaşdırılması üçün anticisimlərin hazırlanması həyata keçirilir. Bu asan məsələ deyil, molekulyar-texnoloji tədqiqatlar tələb edir. Mən artıq bu sahədə çalışıram".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.