Ölkə

Gəlin həmrəy olaq, koronavirusa qalib gələk!

31 Mart 2020 16:11
Baxış: 622
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gəlin həmrəy olaq, koronavirusa qalib gələk!

Milli.Az Trend-ə istinadən bildirir ki, bu sözləri Yeni Azərbaycan Partiyasının (YAP) Siyasi Şurasının üzvü Qafar Əliyev xalqa müraciətində bildirib:

"Əziz dostlar!

Koronavirusun dünyada tüğyan etdiyi bu çətin günlərdə bizə yaxınlaşan fəlakətdən xilas olmağın bir yolu var: qohumlarımıza, dostlarımıza, doğmalarımıza, qonşularımıza, yaxınlarımıza və bizdən uzaqda olan, amma əlimiz çatacaq hər kəsə qarşı ürəyimizdən kini-küdrəti atıb hamıya əl uzatmaq.

Əgər imkanın varsa, daha çox imkansıza, yetimə, kasıba əl uzat. Hansısa ehtiyac içərisində olan insan öz qürurunu sındırmadığına görə evində sakitcə oturub ağır durumda olduğunu kimsəyə biruzə vermək istəmirsə, sən ona tərəf get, ona əl uzat, onun probleminin həllinə kömək elə, ona arxa dur.

Unutma ki, heç yerdə işləməyən, evdə çörəyi olmayan, insanlar var. Gəlin onları axtarıb tapaq, onlara dayaq duraq ki, bu fəlakətdən hamılıqla xilas ola bilək. Allah bu bəlanı yer üzünə göndərməklə bizi sınağa çəkir. Əgər belə etsək, Allah günahlarımızı bağışlayar. Allah günahlarımızı bağışlayandır. Amin! İnşallah!"

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.