Ölkə

“AzerGold” bir neçə qızıl sahəsini istifadəyə verəcək

24 Fevral 2020 13:32

0 Şərh Baxış: 1 369

#İQTİSADİYYAT

"AzerGold" QSC 2021-ci ildə şirkətin geoloqları tərəfindən aşkar olunmuş "Ağyoxuş" və "Marax" sahələrini istifadəyə verməyə planlaşdırır.

Milli.Az Trend-ə istinadən xəbər verir ki, bunu "AzerGold" QSC-nin İdarə heyətinin sədri Zakir İbrahimov 2019-cu ilin yekunlarına həsr olunmuş mətbuat konfransında deyib.

Onun sözlərinə görə, "Ağyoxuş" sahəsinin ehtiyat potensialı 40 min unsiya həcmində qiymətləndirilir. Hazırda layihə çərçivəsində hasilatın aparılması üçün mədənin dizaynı hazırlanır.

"Marax" sahəsindəki ilkin kəşfiyat işləri də müsbət nəticə verib. Hazırda sahənin qızıl potensialının dəqiqləşdirilməsi üçün əlavə kəşfiyyat işləri aparılır.

Z.İbrahimov əlavə edib ki, Göygöl rayonunda yerləşən yatağın şimal hissəsində hasilatın başlanması üçün müvafiq kəşfiyyat, tədqiqat və layihələndirmə işləri davam edəcək. Həmin yatağın ehtiyat potensialı 500 min unsiya həcmində qiymətləndirilir.

Milli.Az