Ölkə

"Mədəni irsin qorunması ölkə rəhbərliyinin bu sahədə həyata keçirilən siyasətinin prioritet istiqamətlərindən biridir"

23 Yanvar 2020 13:28

Baxış: 1 269

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Hədəfimiz dəyişməzdir və bütün görülən işlər qədim mədəniyyətə malik İçərişəhər və Qala Qoruqlarının beynəlxalq səviyyəli turizm məkanı və eyni zamanda canlı tarixi obyekt kimi saxlanılması və inkişafına yönəlib.

Milli.Az Trend-ə istinadən xəbər verir ki, bunu "İçərişəhər" Dövlət Tarix-Memarlıq Qoruğu İdarəsinin İdarə Heyətinin sədri Əsgər Ələkbərov 2019-cu ilin yekunlarına həsr olunan mətbuat konfransında deyib.

Ə.Ələkbərov əlavə edib ki, mədəni irsin qorunması və təbliği ölkə rəhbərliyinin bu sahədə həyata keçirilən siyasətinin prioritet istiqamətlərindən biridir. Prezident Ilham Əliyev və ölkənin Birinci vitse-prezidenti Mehriban Əliyevanın daimi diqqət və qayğısı ilə son illərdə İçərişəhər və Qala Qoruqları ərazisində tarixi mədəniyyət abidələrinin, mədəni irsin qorunması, öyrənilməsi və təbliği istiqamətində bir sıra irimiqyaslı tədbirlər həyata keçirilib.

Ötən il "İçərişəhər" DTMQI tərəfindən keçirilən tədbirlər barədə məlumat verən Ə.Ələkbərov qeyd edib ki, keçən il Heydər Əliyev Fondunun dəstəyi ilə Nəsimi Festivalı da keçirilib.

Milli.Az