Ölkə

Elinanın oxuduğu məktəbin direktoruna cəza istənildi

16 Oktyabr 2019 12:36
6 Şərh     Baxış: 2 129

Səbail rayon Məhkəməsində orta məktəb şagirdi Elina Hacıyevanın ölümünə səbəb olmaqda təqsirləndirilən 162 nömrəli tam orta məktəbin keçmiş direktoru Sevinc Abbasovanın cinayət işi üzrə məhkəmə istintaqı başa çatıb.

Milli.Az Trend-ə istinadən bildirir ki, hakim Azər Tağıyevin sədrliyi ilə keçirilən prosesdə dövlət ittihamçısı sabiq məktəb direktoruna ev dustaqlığı müddəti nəzərə alınmaqla 2 il 6 ay müddətinə azadlığının məhdudlaşdırılmasını istəyib.

S.Abbasova isə barəsində bəraət hökmünün çıxarılmasını istəyib.

Proses oktyabrın 18-ə təyin edilib.

Qeyd edək ki, Bakı şəhəri Səbail rayonu 162 nömrəli tam orta məktəbin 8-ci sinif şagirdi, 2004-cü il təvəllüdlü Elina Hacıyevanın təhsil aldığı məktəbin üçüncü mərtəbəsindən özünü ataraq intihar etməsi faktı ilə Bakı şəhər prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb. İş üzrə məktəbin direktoru Sevinc Abbasova Cinayət Məcəlləsinin 143 (təhlükədə qoyma) və 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddələri ilə təqsirləndirilən şəxs qismində cəlb olunub və məhkəmənin qərarı ilə barəsində ev dustaqlığı qətimkan tədbiri seçilib.

Daha sonra Cinayət Məcəlləsinin 125-ci (ölüm həddinə çatdırma) maddəsi ilə açılan cinayət işinə xitam verilib.

Milli.Az

loading...

Şərh yaz:

6 Şərh:

  • Anonim
    Mahir · 16 Oktyabr 12:39110

    Elina ucun susma.

    Cavab yaz
  • Anonim
    K.k · 16 Oktyabr 13:0191

    Sizce az deyil bu muddet? Vicdansiz qadini omurluk hebs etmek lazimdir. Vaxtinda usaqa urekden yardim etseydi indi o sağ idi.

    Cavab yaz
  • Anonim
    Anonimkа · 16 Oktyabr 13:0290

    Ne beraet,belke bir medal da taxasuz,o uşaqın ölümünde birinci bu"qadın" teqsirlidi,sonra o hekimler, iki il ?Niye bele"çox"? azı15il verilmelidi ona,adam onun sifetinden qorxur(((

    Cavab yaz
  • Anonim
    Miray · 16 Oktyabr 13:1580

    Elinanı dərhal xəstəxanaya çatdırmaq lazım idi onunla söhbət etmək yox.Uşağın ölümünə bais olub ev dustağı onun cəza sayılmır

    Cavab yaz
  • Anonim
    qonaq · 16 Oktyabr 21:4830

    cox “adeletli” hokmdi.hele mexkeme zalinnan azadliga buraxardiz.orkestr,qirmizi xalca da salardiz.yeniden mekteb direktoru olsa hec tecublenmerem!!!

    Cavab yaz
  • Anonim
    H · 18 Oktyabr 01:5610

    Direktor sandigin qapagini acib deyesen yaxsica .3 cu mertebeden dusub daxili organlari bir birine qarisan usagi hekime catdirmaq yerine qizi danisdirirlar can veren qizi.Xitam yoxe xalta lazimdi onun boynuna.Lap bir medalda asin boynundan

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.