Ölkə

Nərmin Şahmarzadə həbs oluna bilər - Ekspertizanın nəticəsi açıqlandı

10 Oktyabr 2019 16:04
13 Şərh     Baxış: 3 695

Milli Qəhrəman Mübariz İbrahimovun anası Şamama İbrahimovanın xüsusi ittiham qaydasında qaldırdığı iddia əsasında təyin edilən ekspertizanın nəticəsi açıqlanıb.

Milli.Az bizimyol.info-ya istinadən xəbər verir ki, Məhkəmə Ekspertiza Mərkəzinin eksperti Elçin İsmayılov psixoloq Nərmin Şahmarzadənin "Facebook"da Mübariz İbrahimov haqqında yazdığı fikirlərlə bağlı rəyini verib.

Həmin rəy həm Nərmin Şahmarzadənin özünə də göndərilib, Ş.İbrahimovanın nümayəndəsi və vəkili Ramil Rüstəmova da təqdim olunub.

"... öz canını itirmək təhlükən olmadan birini öldürürsənsə, bu qəddarlıqdır" və "... Mübariz sağ qalıb geri qayıtsaydı, hərbi cinayət işi açılacaqdı çox güman" cümlələri Mübariz İbrahimovun şərəfini ləkələyən, şəxsiyyətini mənfi qiymətləndirən, ətrafdakıların yanında nüfuzdan salan məlumatlardır",- deyə rəydə yazılıb.

Oktyabrın 10-da məhkəmədə ekspertin rəyi müzakirə olunmalıydı, lakin N.Şahmarzadə məhkəmə prosesinə gəlmədiyinə görə mümkün olmayıb. Hakim bildirib ki, oktyabrın 21-də keçiriləcək növbəti məhkəməyə də gəlməsə, onun haqqında məcburi gətirilmə qərarı çıxarılacaq.

Milli Qəhrəmanın anasının vəkili Ramil Rüstəmov bildirib ki, ekspertiza rəyi obyektivdir: "Bu rəydən sonra onun cinayət məsuliyyətinə cəlb olunması labüddür. Çünki ortada rəy var ki, Milli Qəhrəman təhqir olunub".

Ş.İbrahimova N.Şahmarzadənin Cinayət Məcəlləsinin 147 (böhtan) və 148-ci (təhqir) maddələrilə cinayət məsuliyyətinə cəlb edilməsini - həbs olunmasını istəyir.

N.Şahmarzadə isə özünü təqsirli bilmir. Təqsirləndirilən şəxs qismində ifadə verən psixoloq bildirib ki, o, ötən il dekabrın 5-də yazdığı statusda Mübariz İbrahimovu nə təhqir edib, nə də ona böhtan atıb.

Mübariz İbrahimov 2010-cu il iyunun 18-də cəbhənin Tərtər rayonu Çaylı kəndi istiqamətində Ermənistan Silahlı Qüvvələrinin hücumunu dəf edərkən bir neçə erməni əsgərini öldürərək həlak olub. Onun meyiti ermənilər tərəfindən götürülüb və yalnız noyabrın 6-da geri qaytarılıb.

Milli.Az 

loading...

Şərh yaz:

13 Şərh:

  • Anonim
    mehparə · 10 Oktyabr 16:10190

    Hansısa özünü bilməyən, ailəsindən xəbəri olmayan Milli qəhrəman haqda hansısa bir fikri yürütməsi Milli qəhrəman üçün təhqir hesab olunur. Cəza verilsə, lap əla olar, onun arxasında duranlara da dərs olar, elə onun özünədəki, səviyyəcə səndən yuxarıda olanlara nəsə demək haqqın yoxdur.

    Cavab yaz
  • Anonim
    asi · 10 Oktyabr 16:15110

    Bu yaxınlarda rusiyada müharibə qəhrəmanlarını, abidələrini, məzarlarını təhqir etməyin cinayət hesab olunması barədə qərar çıxdı..Belə qərar bizdə də olsa və hətta ağır cinayət statusu verilsə, nərmin və nərmin kimi digər erməni dığaları və haykanuşları qələtlərini edib öz azarlarını çəkərlər...Can Qəhrəmanındır, özü bilib təhlükəyə atıb ya yox..Ona can verən də deyilsən, canının yiyəsi də deyilsən..Öl, otur xarabanda...

    Cavab yaz
  • Anonim
    Mahir · 10 Oktyabr 16:1760

    Bu yene peyda oldu?

    Cavab yaz
  • Anonim
    şərhçi · 10 Oktyabr 16:19516

    Başqa fikirləri deyə bilmərəm amma insafla düşünəndə bu fikri düz deyirki,əgər o salamat qayıtsaydı ona cinayət işi açardılar.

    Cavab yaz
  • Anonim
    Fateh · 10 Oktyabr 16:27150

    Qanı qarışıq, ermənipərəst, dövlətimi və millətimi sevməyən separatçı ünsürlərə dərs olması üçün bu qadın mənfur əməlinə görə mütləq həbs edilməlidir !!!

    Cavab yaz
  • Anonim
    ⚡Admiral⚡ · 10 Oktyabr 16:43420

    Dillərini özünə qoya bilmirlər ona görə başlarına gəlməyən qalmır bu kimdiki Mübariz Ibrahimovu təhqir edə.. Tərbiyəsiz qadındı və elə bilirəm ki bu qadının arxasında kimlərsə var cəsarət edib bu sözləri deməz arxasında dayağı var ona güvənir.

    Cavab yaz
  • Anonim
    Tovuzlu E · 10 Oktyabr 18:0360

    Maraqlidi tehqir olunan Milli qehremanimiz Mubariz Ibrahimov deyil de, hansisa dovlet memuru filan olsaydi yene de nermin kimi azadliqda gezerdimi?

    Cavab yaz
  • Anonim
    Ağsaqqal · 10 Oktyabr 18:4960

    Bu adam hansı əsaslarla ,kimlərin himayəsiylə və nə səbəbə açıq -aşkar ermənilərə işləyir ? ...Görəsən məhkəmə bunu açıqlayacaqmı ?

    Cavab yaz
    • Anonim
      ƏSİ. · 10 Oktyabr 19:4730

      :))))Çətiiin...

      Cavab yaz
  • Anonim
    F.S.D. · 10 Oktyabr 19:2640

    Həbs oluna bilər?? Həbs olunmalıydı bu vaxta qədər. Qəhrəmanımızın anası məsələni qaldırmasaydı Nərmin azadlıqda gəzəcəkdi??((( Qəhrəmanı təhqir etmək cinayətdir və mütləq cəzalanmalıdır. Bu azrərbaycanda yaşayıb, düşmən niyyətlilərin hamısına dərs olmalıdır

    Cavab yaz
    • Anonim
      Melek b · 10 Oktyabr 19:3511

      Axsaminiz xeyir FSD xanim.nesesiniz?

      Cavab yaz
      • Anonim
        F.S.D. · 10 Oktyabr 19:5411

        Axşamınız xeyir Mələyim, necəsiniz? Dünəndən narahat oldum Sizə nə qədər yazdım Hörmətli Moderator vermədi. Eybi yox məsləhət bilməyib. Ağıllım yazmasam günahkar məni bilməyin)))

        Cavab yaz
        • Anonim
          Melek b · 10 Oktyabr 21:1210

          Axsaminiz xeyir.canim menim menimde şerhlerim verilmedi.yazirdim verilmirdi.can size qurban.hec sizi gunahkar bileremmi?siz menim bir denemsiz(**)

          Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.