Ölkə

Polislər Bakı küçələrində piyadaları daha cərimələməyəcək

13 Sentyabr 2019 16:39
3 Şərh     Baxış: 4 550

Bakının küçə və prospektlərində piyadaların hərəkətinə nəzarət edən, bu zaman yolu müəyyən olunmamış yerdən keçənləri saxlayan post-patrul xidmətinin əməkdaşları gözə dəymir. Bu nə ilə əlaqədardır?

Milli.Az Trend-ə istinadən bildirir ki, jurnalistlərin suallarını cavablandıran DİN-in Mətbuat Xidmətinin rəisi Ehsan Zahidov bildirib ki, ötən ilin mart ayından Daxili İşlər nazirinin əmri ilə piyadalar tərəfindən yol hərəkəti qaydalarının pozulmasının qarşısının alınması məqsədi ilə Bakı şəhərinin rayon polis idarələrinin, eləcə də respublikanın digər şəhər və rayon polis orqanlarının post-patrul xidməti əməkdaşlarına yol patrul xidməti inspektorlarına aid olan səlahiyyətlər verilib: "O vaxt belə bir qərarın verilməsinə ehtiyac var idi. Lakin post-patrul xidməti əməkdaşlarının qayda pozanları saxlayaraq protokollar tərtib etməklə onları cərimələmələri piyadaların vaxt itkilərinə, bəzən də narazılıqlarına səbəb olurdu.

Bütün bunları nəzərə alan Daxili İşlər naziri, general-polkovnik Vilayət Eyvazov bu günlərdə müvafiq əmr imzalayıb. Əmrə əsasən post-patrul nizami hissələri əməkdaşlarına verilmiş yol patrul xidməti inspektorlarına aid olan səlahiyyətlərə xitam verilərək qanunla müəyyən olunmuş vəzifələrinin icrasını davam etdirmək üçün onlar daimi xidmət yerlərinə qaytarılıblar".

E.Zahidov qeyd edib ki, eyni zamanda, nazir insanların həyatının, təhlükəsizliyinin yol-nəqliyyat hadisələrindən daha etibarlı qorunması və bu sahədə nəzarətin müasir texniki vasitələrin imkanlarından geniş istifadə edilməklə həyata keçirilməsi barədə Daxili İşlər Nazirliyinin aidiyyatı qurumlarına müvafiq tapşırıqlar verib.

Milli.Az

loading...

Şərh yaz:

3 Şərh:

  • Anonim
    Kamal.N · 13 Sentyabr 17:3120

    Piayadalar üçün yaxşı oldu. Lakin, hardan gəldi yol keçməklə həyatlarını riskə atmaqda davam edəcəklər

    Cavab yaz
  • Anonim
    Təbib · 13 Sentyabr 18:1510

    Məncə bu cürü protokollari da kameralar çekecek və aiiyati üzrə gondərəcəklər.Necə deyerler Çalışaq "radara" düşməyək

    Cavab yaz
  • Anonim
    GƏNCƏLİ AVROPADAN... · 13 Sentyabr 20:3800

    Burada ata-anası 3-4 yaşında velosped sürən uşağı rahatlıqla özlərindən qabaqda buraxırlar, uşaq da normal şəkildə yolu keçə bilir. Day bizdəki kimo yox, "Ay Murad(təbii ki, ad şərtidir) gözlə, sənə demirəm, gözlə, qanına bələn səni, bu dəqiqə maşın vuracaq")))) . Bunun da bir səbəbi var, uşaq nə valideynlərindən, nə də bağçadan yokun ona aid olmayan hissəsindən keçməyini görməyib, hamı zebradan keçir, zebrada yol verməmək sürücülük hüququnun məhdudlaşdırılması +cərimə ilə nəticələnir....

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.