Ölkə

Artıq sarı zolaqlar "qüvvədə" - Bu yollarda diqqətli olun! - SİYAHI

20 İyul 2019 10:43
2 Şərh     Baxış: 3 282

Artıq bu gün gecə saatlarından başlayaraq "Baku 2019" Avropa Gənclər Yay Olimpiya Festivalının Bakıda keçirilməsi ilə əlaqədar iyulun 28-dək paytaxtın küçə və prospektlərində hərəkətin təhlükəsizliyinin təmin edilməsi məqsədilə sarı zolaqların tətbiqinə başlanılıb.

Milli.Az Trend-ə istinadən xəbər verir ki, bu müddət boyu Bakı Şəhər Baş Polis İdarəsinin Dövlət Yol Polisi İdarəsi (DYP) əməkdaşları gücləndirilmiş iş rejmində xidmət etməklə, yarışların təşkil olunduğu ərazilərdə nəzarəti artıracaq.

Qeyd edək ki, İdarə daha öncə sürcülərə müraciət edərək bununla bağlı xəbərdalıq edib:

"Ötən dövrlərdə keçirilmiş idman tədbirlərində avtomobillərin hərəkətində sarı rəngli zolaqların tətbiq edilməsinin müsbət nəticələrini nəzərə alaraq, diqqətə çatdırırıq ki, sürücülər festival iştirakçılarının tədbir yerləri istiqamətində bu zolaqlar üzrə təhlükəsiz hərəkəti üçün şərait yaratmalıdırlar.

Xatırladaq ki, sarı zolaqlar üzrə digər avtomobillərin hərəkət etməsi avtomobil sahibləri və sürücülərin inzibati məsuliyyətə cəlb edilməsinə hüquqi zəmin yarada bilər. Ona görə də sürücülərə tövsiyə olunur ki, bu zolaqlar üzrə hərəkət etməsinlər.

Belə ki, paytaxtın "Ziya Bünyadov", "Q.Qarayev", "Neftçilər", "Atatürk", "H.Ələsgərova", "Azadlıq", "Z.Əliyeva, "Tiblisi, "Moskva", "Ü.Hacıbəyov", R.İsmaylov və s. küçə və prospektlərində çəkilmiş sarı rəngli və xüsusi işarəli avtomobil zolaqları kameralar vasitəsilə tam nəzarətə götürülüb".

Milli.Az

loading...

Şərh yaz:

2 Şərh:

  • Anonim
    Ekspert · 20 İyul 12:5060

    Özgələrə həlimik, özümüzə qənimik

    Cavab yaz
  • Anonim
    Harri · 20 İyul 21:3910

    xeyri olmayan bir shey

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.