Ölkə

Pomidorun qiyməti yaxın günlərdə ucuzlaşacaq - PROQNOZ

16 İyul 2019 14:52
7 Şərh     Baxış: 2 962

Yaxın günlərdə bazarlarda pomidorun qiymətində ucuzlaşmanın olacağı gözlənilir.

Milli.Az bildirir ki, bunu Trend-ə iqtisadçı ekspert Vüqar Bayramov deyib.

Son bir həftə ərzində pomidorun qiymətinin bahalaşdığını deyən ekspert bunun əsas səbəbini hava şəraiti ilə əlaqədar açıq sahə məhsulunun yetişməsinin gecikməsi ilə izah edib.

Onun sözlərinə görə, həvvəlki illərdə pomidorun istixana şəraitində yetişdirilməsi başa çatdıqdan sonra sahədə yetişənlərin kütləvi şəkildə bazara çıxarılması təmin olunurdu. Bu il isə hava şəraiti ilə əlaqədar sahələrdə açıq sahədə əkilən pomidorun yığımının ləngiməsi, eyni zamanda istixana şəraitində pomidorların yetişdirilmə dövrünün başa çatması məhsulun qiymətinin yüksəlməsinə səbəb olub:

"Hava şəraiti ilə əlaqədar yığımın ləngiməsi məhsulun satışa çıxarılmasını da gecikdirir. Bütün bu səbəblər bazarda təklifin azalmasına gətirib çıxarıb. Bu da öz növbəsində qiymətlərin bahalaşmasına səbəb olub. Yaxın zamanda sahə pomidorlarının bazara çıxarılacağını və təklifin artacağını gözləyirik. Oxşar vəziyyət 2017-ci ildə müşahidə edilmişdi. Həmin ildə də qiymətlər bahalaşmışdı, daha sonra sahə pomidorlarının bazara çıxarılması ucuzlaşmaya səbəb olmuşdu. Bu baxımdan güman edirik ki, yaxın günlərdə qiymətlərdə azalmanın olacağı gözlənilir. Daha çox sahə pomidorunun bazara çıxarılması qiymətlərin enməsinə daha da təsir edə bilər".

V.Bayramov Azərbaycanda sahə pomidorlarının daha çox Xaçmaz, Tovuz, Qazax rayonlarında yetişdirildiyini də nəzərə çatdırıb.

Milli.Az

loading...

Şərh yaz:

7 Şərh:

  • Anonim
    Elshan · 16 İyul 15:3750

    Qiymetin dushmeyinin eksine olaraq, keyfiyyeti artsa yaxshi olar... Pomidorda hec bir dad qalmayib... Zire pomidoru alirsan, ancaq rengi ve formasi qalib, dadi sifir!!!

    Cavab yaz
  • Anonim
    Leo · 16 İyul 15:4860

    Xaçmaz pomidoru kimisi yoxdu onunda zibilin çıxardmayın xaiş edirik onsuzda hər eşyin bahalığına bir bəhanə tapırlar eybi yox biraz baha olsun amma vitamini dadı olsun dərmabsız olsun yoxsa nə yeyirsən elə kötüy kimidi

    Cavab yaz
  • Anonim
    Roy · 16 İyul 16:2900

    Çetin ucuzlaşa pamidor.Tağlarda saralma gederek quruyur ve mehv olur.

    Cavab yaz
  • Anonim
    Zuni · 16 İyul 16:4340

    Pomidoru evvel diwdiyen kimi ezilirdi iyinnen gozuyumulu bilinirdi ki pomidor dogranir suyu qirmizi olurda dadida ela indivele bil kardon yeyirsen ne dadi var ne tami zaydi hamisi.Tebiileri ruslara yedirdib ozumuze dermanli satirlar

    Cavab yaz
  • Anonim
    uv · 16 İyul 19:4530

    Ruslar dərman tərkibi artıq olan pomidorları öz bazarlarına buraxmırlar. Bu tam başa düşülən bir şeydir... Amma sonra həmin pomidorlar qayıdır bizim bazarlara... və pomidorlar ucuzlaşır... hamı sevinir. İndi istərdim kimsə mənə çalışıb subut etsin ki bu bələ deyil...

    Cavab yaz
  • Anonim
    Tu · 16 İyul 20:0220

    Bundan qabaq Xacmazda Sovet dovrunun organik toxumlari ekilerdi.Cox gozel dadi olardi.Indi hami xaricden getirilmis Soltan,Lodjin kimi das kimi,dadsiz,amma cox mehsul veren sortari ekirler.Kohne sortlar yumsaq olduguna gore bazar ucun munasib olmadigina gore ekilmir.Bezileri sexsi istifade ucun az miqdarda ozu ucun ekir.

    Cavab yaz
  • Anonim
    Kamil · 17 İyul 23:1600

    Bütünbunların günahkarı alıcılardı , biz bu il Sabirabadda köhne sort nazik qabıq pomidor ekmişdik amma sata bilmedik (20-30qepik oldu bezen heç alanda olmurdu ) sebeb yumşaq olması idi , alıcılar deyirdi bize berk lazımdır nazik qabıgı eve aparana qeder yumşalır , şexsen men onları hetta yaşlıları bele başa sala bilmirdimki ay dayı eveller bele paketler olmurdu kagız kuloklardan istifade olunurdu pomidoru onda eve qeder aparana qeder kulok islanıb cırılırdı , bax bu hemin sortdandı razılaşmırdılar deyirdiler bize berk olsun dad esas deyil . buna görede hamı geni deyişilmiş berk sortlar ekirler

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.