Ölkə

"Mənzil növbəsinə yazılan ailələrin çoxu mənzillə təmin olunub"

1 May 2019 10:08

0 Şərh Baxış: 1 944

VTB-də minimal faiz dərəcəsi ilə nağd kredit 9.9%-dən

#ELM #MƏNZİL

25 il bundan əvvəl mənzil növbəsinə yazılan 100-dən artıq alim ailələrinin 80-i artıq mənzillə təmin olunub.

Milli.Az Trend-ə istinadən xəbər verir ki, bunu Azərbaycan Milli Elmlər Akademiyasının prezidenti Akif Əlizadə deyib.

Onun sözlərinə görə, hazırda Abşeron rayonunun Saray qəsəbəsində tikilən "elm şəhərçiyində"də mənzillərin alınması üçün 800 alim növbəyə yazılıb. Mənzillərin kvadrat metri 450 manatdan hesablanır.

A.Əlizadə əlavə edib ki, növbəyə yazılan alimlərin 150-si artıq pulunu ödəyib:

"Əvvəlki illərdə növbədə duranlarla bağlı hərc-mərclik var idi. 2010-2011-ci illərdə Akademiyaya aid olmayan, çalışmayan insanlar mənzil növbəsinə yazılmışdı. Onlardan qurtulmaq üçün bizim səylərimiz lazım idi. Bu günə qədər də o istiqamətdə addımlayırıq".

Milli.Az