Ölkə

Məktəblərdə "açıq qapı" günlərinin keçirilməsinin hansı təsirləri var? - FOTO

21 Fevral 2019 13:15

0 Şərh Baxış: 2 549

VTB-də minimal faiz dərəcəsi ilə nağd kredit 9.9%-dən

#TƏHSİL #MƏKTƏB #ŞAGİRD #MÜƏLLİM #PSİXOLOGİYA

Məktəblərdə "açıq qapı" günlərinin keçirilməsinin bir sıra müsbət tərəfləri var. Bunların arasında ən əsas psixoloji məqam odur ki, məktəb-valideyn-şagird ünsiyyəti məcburi yox, sevərək yaranır.

Bu barədə Milli.Az-a tanınmış psixoloq Aytən Ələkbərova bildirib.

Onun fikrincə, təhsil müəssisələrində belə günlərin keçirilməsinə böyük ehtiyac var: "Məktəblərdə "açıq qapı" günlərinin keçirilməsi sagirdlər arasında motivasiya, müəllimllərdə məsuliyyət hissinin artmasina, öz üzərində daha çox işləməsinə, daha çox mütaliə edərək auditoryanı ələ almasına, eləcə də müəllimin şagirdlə səmərəli ünsiyyətinə gətirib çıxarır. Bu addım şagirdlərin, həm müəllimlərin və valideynlərin vahid komanda olmalarına və hər üçünün təhsilə məsuliyyətlə yanaşmalarına gətirib çıxarır".

Psixoloq hətta nümunə olaraq A.Huseynzadə adına 20 nömrəli tam orta məktəb-liseydə təşkil edilən "açıq qapı" gününün onda hansı təəssürat buraxdığını da qeyd edib: "Burada mütəmadi olaraq "açıq qapı" günləri keçirilir və valideyinlərin dərslərdə iştirakına şərait yaradılır. Mən həm bir valideyn, həm də psixoloq kimi dəsrlərdə iştirak edərək maraqlı muşahidələr apardım. Dərslərdən sosial şəbəkələrdə canlı yayım edərək təhslin necə keyfiyyətlə aparıldığını bölüşdüm. Dərslərdə diqqətimi 11-ci sinif şagirdlərinin davamiyyəti və məktəbli forması geyinmələri çəkdi.

Məktəbdə Beynəlxalq Ana Dili Günü ilə bağlı xüsusi dəsrlər, tədbirlər keçirildi. Bundan əlavə sagirdlərin hazırladığı konsert proqramı hər bir valdeynin üzündə təbəssüm yaratdı. Xoşbəxtlik bir andır, onu doya-doya yaşamaq lazımdır. Bu xoşbəxtliyi valideynlərə yaşadanlara təşəkkür edirəm!"

Zərif Nisə
Milli.Az