Ölkə

Bakıda Mikayıl Müşfiqin qalıqları aşkarlandı

22 Oktyabr 2018 13:51
4 Şərh     Baxış: 5 149

Stalin illərində cəzalandırılanların bir çoxunun qalıqlarının uyuduğu Qaradağ rayonunun Puta qəsəbəsində axtarış işləri aparılarkən mən böyük Azərbaycan şairi Mikayıl Müşfiqin qalıqlarını aşkar etdim.

Milli.Az xəbər verir ki, bunu virtualaz.org-a açıqlamasında məşhur Rusiya milyarderi Fərhad Əhmədov deyib.

Xatırladaq, hələ bir neçə il əvvəl Fərhad Əhmədov Göyçayda kombinat direktoru olmuş və 1970-ci illərdə güllələnmiş atası Teymur Əhmədovun qalıqlarlarının axtarışının aparılması üçün Azərbaycan hakimiyyətindən icazə almışdı.

F.Əhmədova axtarış işlərinin aparılmasında "NKVD" və Bayıl türməsinin keçmiş "ölüm korpusunun" tibbi xidmətinin əməkdaşları kömək edirdilər. Və axtarışlar zamanı hüquq-mühafizə orqanlarının məhkəmə hökmlərini və edam cəzalarını icra etmiş keçmiş əməkdaşları F.Əhmədova Azərbaycanın rəhbəri olmuş və 26 may 1956-cı il güllələnmiş Mircəfər Bağırovun, eləcə də 1937-ci ildə cəzalandırılmış şair Mikayıl Muşfiqin basdırıldıqları yerləri də göstərmişdilər.

Sonralar F.Əhmədov M.Bağırovun qohumlarından biri - sabiq ekologiya və təbii sərvətlər naziri Hüseyn Bağırovla görüşmüş və ona Azərbaycanın keçmiş rəhbərinin gizli basdırıldığı yer haqda məlumat vermişdi. Virtualaz.org bununla bağlı oxuculara hələ keçən ilin qışında, sabiq nazirin özünə istinadən xəbər çatdırmışdı. 2017-ci ildə Londonda keçirilmiş genetik ekspertiza - DNK analizi  "NKVD"nin sabiq əməkdaşlarının informasiyasını təsdiq etdi. Tapılmış qalıqlar M.Bağırova məxsus idi. Və Azərbaycanın keçmiş rəhbərinin qohumları həmin qalıqları köhnə Yasamal qəbiristanlığında dəfn etdilər.

Mikayıl Muşfiqin qalıqlarına gəlincə,  F.Əhmədovun sözlərinə görə, o, Qaradağ rayonunda aşkar edilmiş və M.Muşfiqə aid olduğu ehtimal olunan qalıqlar haqda Mədəniyyət Nazirliyinin rəhbərliyinə məlumat verib. Bu ilin 5 iyununda isə böyük Azərbaycan şairinin anadan olmasının 110 ili tamam olub.

Və sözügedən sayt Azərbaycan poeziyasının parlaq nümayəndələrindən birinin qalıqlarının təntənəli dəfninin təşkili məqsədi ilə kampaniyaya başlamaq üçün təşəbbüs göstərmək niyyətindədir. Biz Azərbaycanın Yazıçılar Birliyinə və Mədəniyyət Nazirliyinə müraciət hazırlayırıq. Görkəmli azərbaycanlının xatirəsinə hörmətlə yanaşmaq lazımdır!

Milli.Az

loading...

Şərh yaz:

4 Şərh:

  • Anonim
    Aza · 22 Oktyabr 13:5650

    Müşfiq poeziyasının vurğrnryam.

    Cavab yaz
  • Anonim
    kate · 22 Oktyabr 14:0550

    Müşfiqin də nazir nəvəsi filan olsaydi. Ən əsasi ona qiymət verən bir vətən oğlu məsələn Fərhad kimi. atasinin hansıs Kombinat direktorunun cəsədini tapılması üçün bütün bağlı qapılari aça bilən oğlan o kimsəsiz şairi də dəfn etsəydi bələ adi daha çox anılardi. italyanlarla filan yox.

    Cavab yaz
  • Anonim
    asi · 22 Oktyabr 14:0842

    Qış gеtdi ölümlərlə, ölкəmdə bahar vardır, Bağlarda gözəlliкlər, şən qəhqəhələr vardır, Sеvdalı кönüllərdə sеvdiкləri yar vardır, Daim sеvişirlər, baх, məzdad olan ölкəmdə. Rəhmətlik şair indi var olsaydı, burada ərəblərə xitab edərdi) Qəmlərdən, ələmlərdən azad olan ölкəmdə. Vicdanları pəк şəffaf, insanları nurani, Müşfiq, bilə bildinmi, aləmdə şu dövranı?! Qaplar yarın artıq sağ dünyaları ürfanı. Hər yеr güləcəк, nura mötad olan ölкəmdə. Qəmlərdən, ələmlərdən azad olan ölкəm

    Cavab yaz
  • Anonim
    AA · 22 Oktyabr 15:2630

    Uçan durnalara şeir yazıldı ölən durnaların lələklərilə.R.Rövşən.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.