Ölkə

Çənə sümüyünə damaqdan transplant qoyuldu

30 Avqust 2018 16:28

1 Şərh Baxış: 2 013

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #TİBB #SƏHİYYƏ #CƏRRAHİYYƏ

Azərbaycan Tibb Universitetinin (ATU) Tədris Cərrahiyyə Klinikasında xəstənin çənə sümüyündəki defekt qalça damağından götürülmüş transplantatla aradan qaldırılıb.

Milli.Az xəbər verir ki, əməliyyatın təfərrüatı haqqında məlumat verən Klinikanın Ağız və üz çənə cərrahiyyəsi şöbəsinin müdiri Məhəmməd Davudov bildirib ki, xəstə 6 il əvvəl ağız boşluğundakı törəmədən əməliyyat olunub. Əməliyyatdan sonra xəstə kompleks müalicə alsa da, onun ağzında yenidən şiş yaranıb. Bu dəfə xəstə Gürcüstan Respublikasında əməliyyat olunub. Və əməliyyat zamanı xəstədə çənə ətraf yumşaq toxumalarla birgə geniş şəkildə götürülüb.

"Xəstə əməliyyatdan sonra əsasən ağızda və çənədə qalan estetik qüsurdan şikayət edirdi. Kompüter tomoqrafiyası nəticəsində 5 santimetrlik sümük defekti, yumşaq toxumalardakı batıqlıq aşkar olundu. Odur ki, çənə sümüyündəki defektin qalça damağından götürülmüş transplantat qraft vasitəsilə aradan qaldırılması planlaşdırdıq. Eyni zamanda yumşaq toxuma batıqlığını isə ayrı qalça nahiyəsində piy toxuması transplantatla aradan qaldırılmasını planlaşdırdıq. Əməliyyatımız icra olundu, hər iki defekt aradan qaldırıldı," - şöbə müdiri qeyd edib.

M.Davudovun sözlərinə görə, xəstə əməliyyatdan artıq 2 gün sonra ayağa qalxıb. İndi onun vəziyyəti yaxşı olaraq qiymətləndirilir.

Zərif Nisə
Milli.Az