Ölkə

Binəqədinin əbədi və əzəli problemi - "Göl" yollar - VİDEO

24 Oktyabr 2016 13:23

0 Şərh Baxış: 1 641

VTB-də minimal faiz dərəcəsi ilə nağd kredit 9.9%-dən

#HADİSƏ #CƏMİYYƏT #YOL #HAVA #VİDEO #NƏQLİYYAT #AVTOMOBİL

Ötən həftə yağan güclü yağışdan sonra Bakının Binəqədi rayonunun yolları hələ də nəhəng gölü xatırladır.

Milli.Az virtualaz.org-a istinadən bildirir ki, hər gün Binəqədi şosesi ilə işə gələn sakinlər yolda yaranan göllər səbəbindən tıxacda qalırlar.

Bir neçə gün öncə şosenin Poladtökmə zavodunun yaxınlığından keçən hissəsində suyun səviyyəsi artdığına və avtomobillərin mühərrikində ciddi problemlər yarandığına görə yolda hərəkət məhdudlaşdırılmışdı. Sakinlər avtobuslardan enib yolu piyada getməyə məcbur qalmışdılar. Artıq Binəqədi şosesində vəziyyət əvvəlki kimi gərgin olmasa da, yoldan suyun çəkilməsi istiqamətində hələ də heç bir iş görülməyib.

Qeyd edək ki, Binəqədi şosesinin yağış yağan kimi gölə çevrilməsinin səbəbi kanalizasiya və yağış kollektorunun olmamasıdır. "Azəravtoyol" ASC-nin mətbuat xidmətindən verilən məlumata görə, Binəqədi şosesinin "Baksol yolu" ilə kəsişmədən 4-cü qapı küçəsinədək olan hissəsində 2 ədəd nasosxana olsa da, kanalizasiya və yağış kollektorunun olmaması səbəbindən həmin sistemdən axan su nasoslar vasitəsilə yaxınlıqdakı gölə vurulur. Gölə, həmçinin neft şirkətinə məxsus 2 açıq kanal da axıdıldığından, güclü yağışlar nəticəsində ətrafdan və kanallardan gələn su gölün səviyyəsini qaldırır. Nəticədə, oradan daşan suyun yola yığılmasına səbəb olur.

Milli.Az

Videonu izləmək üçün şəklə klikləyin: