Ölkə

Azərbaycanda hərbi zavodda PARTLAYIŞ: 2 ölü, xeyli yaralı var - YENİLƏNİB - FOTO - VİDEO

26 İyul 2016 22:48
41 Şərh     Baxış: 39 173

22:48

İyulun 26-da Müdafiə Sənayesi Nazirliyinin Şirvan "Araz" zavodunda baş vermiş hadisə nəticəsində zavodun iki əməkdaşı - Məmmədov Ağamir Allahyar oğlu və Nuriyeva İlhamə Əsgər qızı dünyalarını dəyişiblər.

Milli.Az Trend-ə istinadən bildirir ki, nazirlikdən verilən məlumata görə, iyulun 26-da saat 15:35 radələrində Müdafiə Sənayesi Nazirliyinin Şirvan "Araz" zavodunda hadisə baş verib.

Bundan öncə hadisə nəticəsində 11 nəfərin xəsarət aldığı barədə bildirilirdi.

20:28

Müdafiə Sənayesi Nazirliyinin "Araz" zavodunda baş vermiş partlayışla əlaqədar Şirvan Şəhər Mərkəzi Xəstəxanasına indiyədək 24 nəfər müraciət edib.

Milli.Az "Report"a istinadən bildirir ki, bu barədə Səhiyyə Nazirliyinin mətbuat xidmətindən bildirilib.  
Məlumata görə, onlardan 14 nəfəri ambulator yardım alaraq evə buraxılıb: "Hazırda xəstəxanada 10 nəfərin müalicəsi davam edir. Bu şəxslərdən 3 nəfərinin vəziyyəti orta-ağır qiymətləndirilir, 7 nəfərin vəziyyəti isə yüngüldür".

20:17

Baş Prokurorluq, Daxili İşlər və Fövqəladə Hallar nazirlikləri Şirvandakı partlayışla bağlı birgə məlumat yayıb.

Milli.Az "Report"a istinadən bildirir ki,məlumatda deyilir: "İyulun 26-da saat 15:30 radələrində Müdafiə Sənayesi Nazirliyinin Şirvan şəhərində yerləşən "Araz" zavodunun utilizasiya sahəsində partlayış baş verib. Dərhal hadisə yerinə Fövqəladə Hallar, Müdafiə Sənayesi, Daxili İşlər, Səhiyyə nazirliklərinin və Baş Prokurorluğun əməkdaşları, həmçinin Fövqəladə Hallar Nazirliyinin maşın, mexanizm və canlı qüvvəsi cəlb olunub, zəruri birgə tədbirlərin görülməsinə başlanılaraq partlayışın genişlənməsinin qarşısı alınıb, hadisə nəticəsində müxtəlif dərəcəli bədən xəsarətləri alan 24 nəfərə təcili tibbi yardım göstərilməsi üçün Şirvan Mərkəzi Şəhər Xəstəxanasına və Şirvan Şəhər Diaqnostika Mərkəzinə çatdırılıb və digər təxirəsalınmaz tədbirlər həyata keçirilir. Tibb müəssisələrinə yerləşdirilən şəxslərdən 14-nə ambulator yardım göstərilərək evə buraxılmış, digər 7 nəfərin vəziyyəti yüngül, 3 nəfərin isə orta ağır qiymətləndirilməklə müalicələri davam etdirilir.
Fakta görə Baş Prokurorluğun Ağır Cinayətlərə dair İşlər üzrə İstintaq İdarəsində Cinayət Məcəlləsinin 223.2 (Partlayış təhlükəli obyektlərdə təhlükəsizlik qaydalarını pozma ağır nəticələrə səbəb olduqda) və 314.2-ci (Səhlənkarlıq ağır nəticələrə səbəb olduqda) maddələri ilə cinayət işi açılıb, Baş Prokurorluq, Daxili İşlər və Fövqəladə Hallar nazirliklərinin əməkdaşlarından ibarət istintaq-əməliyyat qrupu yaradılıb və digər zəruri prosesual hərəkətlər aparılıb.
İlkin araşdırmalarla müəyyən edilib ki, partlayış zavodun utilizasiya sahəsində vaxtı keçmiş müxtəlif kalibrli döyüş sursatlarının utilizasiyaya hazırlıq prosesində baş verib. Hadisənin baş vermə səbəblərinin müəyyən edilməsi məqsədilə cinayət işi üzrə kompleks məhkəmə yanğın-texniki, partlayış, fiziki-texniki, materialşünaslıq, ekoloji, tikinti-texniki, əmtəəşünaslıq və məhkəmə tibbi ekspertizaları təyin edilib.
Hazırda iş üzrə zəruri istintaq tədbirləri davam etdirilir".

18:36

Müdafiə Sənayesi Nazirliyi Şirvanda zavodda baş verən partlayışla bağlı məlumat yayıb.

Nazirlikdən Trend-ə verilən məlumata görə, iyulun 26-da saat 15:35 radələrində Müdafiə Sənayesi Nazirliyinin Şirvan "Araz" zavodunda hadisə baş verib.

Hadisə nəticəsində ölən yoxdur, 11 nəfər yüngül formada xəsarət alan var. Xəsarət alanlara tibbi yardım göstərilir və hazırda həkim nəzarətindədirlər.

Fasilələrlə yaranan partlayış səslərinin səbəbi utilizasiya olunması üçün Müdafiə Nazirliyi tərəfindən sifariş olunan 1500 ton məmulatdan qalan 146 tonda yaranan qığılcımlardır.

Müdafiə sənayesi naziri Yavər Camalov hadisə baş verdiyi andan etibarən Şirvan şəhərinə yola düşüb. Hazırda hadisə yerindədir.

Hadisənin baş vermə səbəbləri ilə bağlı məlumatlar araşdırmalardan sonra veriləcək.

18:12

Şirvanda partlayış mərmi saxlanc anbarında baş verib.

Milli.Az APA-ya istinadən xəbər verir ki, hazırda ərazidə ara-sıra partlayış səsləri eşidilir. Lakin intensiv partlayışlar artıq yoxdur. Partlayış baş verən ərazidə tüstülənmə var. Hadisə zamanı partlayan mərmilər yaxınlıqdakı ərazilərə səpələnib.

Əraziyə çoxlu sayda təcili tibbi yardım maşını cəlb olunub. Yaralılar Şirvan Mərkəzi Şəhər Xəstəxanasına yerləşdirilir. Hadisə nəticəsində ölənlərin olması ilə bağlı məlumatı hələlik heç bir rəsmi mənbə təsdiqləmir.

Xəstəxanadan verilən son məlumatda 20 nəfərin bura yerləşdirildiyi bildirilir.

Müdafiə sənayesi naziri Yavər Camalov, fövqəladə hallar nazirinin müavinləri Faiq Tağızadə, Etibar Mirzəyev, baş prokurorun birinci müavini Rüstəm Usubov hadisə yerindədir. Şirvan şəhər İcra Hakimiyyətinin başçısı Mərdan Camalovun hazırda məzuniyyətdə olduğu bildirilir.

Hadisə baş verən ərazi yaşayış evlərindən aralıda yerləşir. Buna görə yaşayış evlərində heç bir evakuasiya həyata keçirilməyib. Lakin əraziyə toplaşmış mülki şəxslər təhlükəsizliklə bağlı ərazidən uzaqlaşdırılıblar.

18:06

Müdafiə Sənayesi Nazirliyinin Şirvan şəhərində yerləşən "Araz" zavodunda baş vermiş partlayışda ölənlərin olduğu ehtimal edilir.

Milli.Az Trend-ə istinadən bildirir ki,  Səhiyyə Nazirliyindənverilən məlumata görə, hadisə nəticəsində 20 nəfər xəsarət alıb.

16:30

Səhiyyə Nazirliyinin mətbuat xidmətinin rəhbəri Liya Bayramova Milli.Az-a bildirib ki, Şirvanda Müdafiə Sənayesi Nazirliyinin Şirvan şəhərindəki "Araz" zavodunda baş verən partlayışla bağlı hadisə nəticəsində ölən və yaralananlarla bağlı hələlik dəqiq məlumat yoxdur.

Lakin şəhərdəki bütün təcili tibbi yardım xidməti və xəstəxanalar səfərbər olunub. Bundan əlavə, Bakıdan da əlavə qüvvələr göndərilib: "Hadisədən dərhal sonra Bakıdan Şirvan şəhərinə reanimatoloq, travmatoloq və s. olmaqla 2 həkim briqadası yollanıb. Daha sonra 3 həkim briqadası da hadisə yerinə ezam edilib"

----------

16:17

Şirvan şəhərində Müdafiə Sənayesi Nazirliyinin "Araz" zavodunda baş verən dəhşətli partlayış nəticəsində yaralananlar xəstəxanalara daşınır.

Bu barədə virtualaz.org saytına Səhiyyə Nazirliyinin Təcili və Təxirəsalınmaz Tibbi Yardım Stansiyasının baş həkimi Mirələm Cavadov bildirib. Onun sözlərinə görə, xeyli sayda yaralı var. Hələlik yaralıların sayı dəqiqləşdirilməyib.

Report isə xəbər verir ki, Şirvan Şəhər Mərkəzi Xəstəxanasına 6 yaralı gətirilib. 

Trend bildirir ki, yarlılardan biri Reanimasiya şöbəsinə yerləşdirilib.

Hadisə baş verən əraziyə yaxın evlərdə yaşayanlar təxliyə olunurlar.

---------

16:06

Bir neçə dəqiqə öncə Şirvanda "Araz" zavodunda baş vermiş partlayış barədə bəzi məlumatlar əldə etmişik.

Milli.Az bildirir ki, şahidlərin verdiyi məlumata görə, adıçəkilən zavod tərəfdə bir neçə dəfə ardıcıl güclü partlayış səsləri eşidilib və bu, bütün şəhərdə hiss olunub, binalar silkələnib. Jurnalsit Elvin Şirinli məlumat verir ki, partlayış nəticəsində yaranan alov isə 10 km məsafədən görünür. Hadisə yerinə təcili tibbi yardım briqadası və FHN əməkdaşları cəlb olunub.

Hal-hazırda alov güclü olduğuna görə ona yaxınlaşmaq mümkün deyil.

-----------

15:47

Müdafiə Sənayesi Nazirliyinin Şirvan şəhərində yerləşən "Araz" zavodunda güclü partlayış olub.

Milli.Az report-a istinadən bildirir ki, hadisə nəticəsində ölən və yaralananlar var.
Hadisənin təfərrüatları barədə əlavə məlumat veriləcək.

Hadisənin baş verməsini nazirlikdən Milli.Az-a təsdiqləyiblər. MSN-nin ümumi şöbəsinin müdiri Bəxtiyar Əsədov bildirib ki, hələlik faktla bağlı dəqiq məlumat yoxdur, araşdırma aparılır.

Yerli sakinlər qafqazinfo-ya bildiriblər ki, partlayış silah zavodunda baş verib. Partlayışın səsi bütün şəhərə yayılıb.

Qeyd edək ki, sözügedən zavod Müdafiə Sənayesi Nazirliyinin "Üfüq" İstehsalat Birliyininin nəzdindədir.

Artıq zavoda yaxın ərazidə yaşayan sakinlər təxliyə olunur.

Xatırladaq ki, ötən ildə də həmin zavodda partlayış olmuşdu.

İlkin İzzət, Ceyhun Ələkbərov
Milli.Az

Videonu izləmək üçün şəklə klikləyin:

Azərbaycanda hərbi zavodda PARTLAYIŞ

Azərbaycanda hərbi zavodda PARTLAYIŞ - 1

Məqaləyə dair fotomateriallar:

loading...

Şərh yaz:

41 Şərh:

  • Anonim
    . · 26 İyul 2016 15:5300

    Nolar bir xəbər yazın

    Cavab yaz
  • Anonim
    Emil · 26 İyul 2016 15:5400

    Vayvay. Menimseherim.dehsetdeyem.Allah ailelermizin canin saq elesin. :(((

    Cavab yaz
  • Anonim
    Lala · 26 İyul 2016 15:5600

    ALLAH KÖMƏK OLSUN ŞİRVANA.AYALLAH partlayış aləmi götürüb.Hər yer yanır.Millət qırıldı.Hələdə partlayış səsləri eşidilir.Göydə silahlar necə partlayır özüm gördüm.Barıt qığılxımları göydə partlayır.Qara tüstü aləmi bürüyüb.

    Cavab yaz
    • Anonim
      Ilahe · 26 İyul 2016 16:0600

      Biz hele haciqabuldayiq bizim terefde nece tusdu qalxibb sesleri demirem hele Allah olenlerin ailesine sebr versin

      Cavab yaz
    • Anonim
      ROVEM · 26 İyul 2016 18:2400

      DUZDU QARDAS

      Cavab yaz
  • Anonim
    Lala · 26 İyul 2016 16:0000

    millət qırıldı.ALLAh özün kömək ol.Hələ partlayış səslərinin altında mən bu sözləri yazıram.Qara tüstü şəhəri bürüyüb.

    Cavab yaz
  • Anonim
    Xeno Morph · 26 İyul 2016 16:0300

    Allah yardımcınız olsun. Burdan takip ediyoruz. İnşallah ölen ve yaralanan fazla kişi yoktur.

    Cavab yaz
  • Anonim
    Llla · 26 İyul 2016 16:0400

    Hələ partlayışdı.Yanır.Partlayış dayanmır

    Cavab yaz
    • Anonim
      anar · 26 İyul 2016 16:1000

      Ayrii videooo varrrrr te,zzzz

      Cavab yaz
  • Anonim
    . · 26 İyul 2016 16:0500

    Partlayış səsini bizdə eşidirik.Başqa nə bilirsiz yazında insan təlafatı var

    Cavab yaz
  • Anonim
    Ramin · 26 İyul 2016 16:0600

    Deyesen kecen ilde, bu zavodda partlayis olmusdu.

    Cavab yaz
    • Anonim
      ROVEN · 26 İyul 2016 18:2600

      DIYESEN HE QARDAS

      Cavab yaz
  • Anonim
    ülka · 26 İyul 2016 16:1100

    Allah köməy olsun ordakılara

    Cavab yaz
  • Anonim
    ülka · 26 İyul 2016 16:1200

    xahiş edirəm xəbəri tez tez yeniləyəsiz

    Cavab yaz
  • Anonim
    lala · 26 İyul 2016 16:1200

    Mən göydə barıtların partlamasına ididə mü.ahidə edirəm.Deyirlər Şirvanın gömrük idarəsinin qapıları yerindən şıxıb hələ ordan biraz uzaqdır gömrük.Yazıram ama partlayış səsləri aləmi götürüb.ALLAH KÖMƏK OL.

    Cavab yaz
  • Anonim
    Sebr · 26 İyul 2016 16:1500

    Allah komeyiniz olsun.

    Cavab yaz
  • Anonim
    Samir · 26 İyul 2016 16:1800

    ALLAH Kömeklerinde olsun Amin

    Cavab yaz
  • Anonim
    . · 26 İyul 2016 16:2400

    Səsi azalır

    Cavab yaz
  • Anonim
    . · 26 İyul 2016 16:2500

    Hacıqabul titrəyirdi.İndi gör Şirvandakı binalar nə günə qaldı

    Cavab yaz
  • Anonim
    Ramin · 26 İyul 2016 16:2800

    Cavab yaz
  • Anonim
    Ramin · 26 İyul 2016 16:2900

    Cavab yaz
  • Anonim
    lALA · 26 İyul 2016 16:3400

    yenə partlayır özüm müşahidə edirəm .Deyillər göydə uçuşan raketlərin snaryadlarıdır.mən artıq baxa bilmirəm.ALLAHIM XALQIMIZI QORU.GÖZ YA.LARIMI ARTIQ SAXLAYA BİLMİRƏM

    Cavab yaz
  • Anonim
    Sirvanli · 26 İyul 2016 16:3400

    Deshet. Partlayis seslerinden evler sirkelenir

    Cavab yaz
    • Anonim
      Esl Men · 26 İyul 2016 16:5600

      Allah komek olsun.. Men basa dusmedim bes partlama davam edir?

      Cavab yaz
      • Anonim
        Sirvanli · 26 İyul 2016 17:0300

        Teqriben zeifleyib. Dayanib demek olar. Amma ara sira.pardiyir. İnşAllah sonuncu olar day.

        Cavab yaz
  • Anonim
    Nigar · 26 İyul 2016 16:4600

    Allah ölenlere rehmet elesin

    Cavab yaz
    • Anonim
      cavid · 26 İyul 2016 20:4400

      Sag olun

      Cavab yaz
  • Anonim
    Nigar · 26 İyul 2016 16:4800

    ALLAH REHMET ELESİN

    Cavab yaz
  • Anonim
    Bahar xanim · 26 İyul 2016 16:5200

    Allah ozun komek ol bu millete!insanlar bir parca corek pulu uzunden ozunu risqe atir.kecen il de hemin zavodda partlayiw olmuwdu.sehlenkarlqdan millet qiriliq.Allah olen ve yaralananlarin ailesin e sebr versin.hec olmasa deqiq melumat yazin bilek nece oldu insanlarin taleyi

    Cavab yaz
  • Anonim
    İnsan · 26 İyul 2016 17:0400

    Allah

    Cavab yaz
  • Anonim
    . · 26 İyul 2016 17:1200

    Səsi kəsildi

    Cavab yaz
  • Anonim
    gunel · 26 İyul 2016 19:3300

    menim sevgilim ordadi ona gurban olum allahim haminu gorsun onda

    Cavab yaz
  • Anonim
    səkinə1 · 26 İyul 2016 20:2000

    ((( bu nədir Allahım şükür olsun sənə (((

    Cavab yaz
  • Anonim
    Fff · 26 İyul 2016 20:4400

    Aydaa yaxşı ölən olmayıb

    Cavab yaz
  • Anonim
    cavid · 26 İyul 2016 20:4400

    Allah olenler rehmet etsin

    Cavab yaz
  • Anonim
    AYten · 26 İyul 2016 22:3900

    Allah shefa versin!

    Cavab yaz
  • Anonim
    No 309 · 27 İyul 2016 04:0000

    Allah olenlere rehmet elesin.Amin

    Cavab yaz
  • Anonim
    Legenda · 27 İyul 2016 08:0100

    Allah ölənlərə rəhmət eləsin yaralılara şifa versin

    Cavab yaz
  • Anonim
    Anar · 27 İyul 2016 09:0300

    Allah rəhmət eləsin. Hamısı ehtiyatsızlıqdandır.

    Cavab yaz
    • Anonim
      AYLİN · 27 İyul 2016 10:2500

      Allah ölenlere rehmet elesin.yaralılara şefa versin.

      Cavab yaz
  • Anonim
    Leo · 28 İyul 2016 19:0100

    partlayışdan hətta şəhər silkələndi. binaların qapı-pəncərələri bir andaca açılıb-bağlandı.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.