Ölkə

"Dr.Gülü"dən yeni şikayət - "Tikişi bağlamayıblar" - (Video)

19 İyun 2026 21:31

Baxış: 1 942

VTB-də minimal faiz dərəcəsi ilə nağd kredit 9.9%-dən

#VİDEO #ESTETİK ƏMƏLİYYAT

"Dr.Gülü" kimi tanınan Gülbadə Abdullayevadan yenidən şikayət daxil olub.

Milli.Az "Unikal"a istinadən xəbər verir ki, pasiyent İnci Həsən qızı Babayeva "Büllur" klinikasında üzgərdirmə əməliyyatından sonra problemlərlə rastlaşdığını bildirib.

Onun sözlərinə görə, Gülbadə Abdullayevanın əməliyyatından sonra üz sinirləri zədələnib, ağrıları güclənib. İ.Babayeva həkimin qəbuluna düşə bilmədiyini deyir. O, əməliyyatdan sonra üz tikişlərinin ümumiyyətlə bağlanmadığını bildirib.

Qeyd edək ki, diplomu və lisenziyası olmayan Gülbadə Abdullayeva "estetik cərrah" kimi fəaliyyətini davam etdirir.

Səhiyyə Nazirliyinin Analitik Ekspertiza Mərkəzindən bildirilmişdi ki, Gülbadə Əlqismət qızı Abdullayevanın adı tibb işçilərinin vahid reyestrində mövcud deyil və tibbi fəaliyyətlə məşğul olmaq səlahiyyəti yoxdur. "Dr. Gülü" kimi tanınan G.Abdullayeva xəstələrin üzərində qeyri-etik hərəkətləri ilə də tanınır. Dəfələrlə onunla bağlı şikayətlər səsləndirilsə də, hələ ki heç bir hüquqi addım atılmayıb.

Müəllif: Ülkər Vəliyeva (Milli.Az redaktor)