Ölkə

Adnana məxsus "Rahat" supermarketləri bağlanır?

24 Sentyabr 2025 21:07
Baxış: 2 864
VTB-də minimal faiz dərəcəsi ilə nağd kredit 9.9%-dən
#MAĞAZA

Sosial şəbəkələrdə "ANC Group" MMC-yə məxsus "Rahat" supermarketlər şəbəkəsinin bağlanacağı barədə iddialar var. Buna səbəb kimi "ANC Group"un iqtisadi təhlükəsizliyə qarşı təxribat və xüsusilə külli miqdarda mənimsəmə əməllərində ittiham olunan SOCAR-ın İnvestisiya departamentinin sabiq rəhbər müavini Adnan Əhmədzadəyə qeyri-rəsmi məxsus olması gətirilir.

Milli.Az xəbər verir ki, məsələni aydınlaşdırmaq üçün Pravda.az "Rahat" supermarketə sorğu ünvanlayıb.

Şirkətdən verilən açıqlama belə olub: "Rahat" supermarketlər şəbəkəsi öz fəaliyyətini davam etdirir. Hər şey yolundadır. Bütün kontingent iş başındadır. Marketlərimiz hər zaman müştərilərimizin xidmətindədir. Davam edirik. Bu barədə heç bir sıxıntı yoxdur. Adnan Əhmədzadə məsələsi barədə isə mövqe bildirməyimiz uyğun deyil. Bu, bizi aşan məsələdir".

Qeyd: MMC-nin qanuni təmsilçisi Samir Rafiq oğlu Abdullayevdir. Şirkətdə 10% paya Babakişiyev Cəlal Rasim oğlu, 90% paya isə "Abda Retail İnvestment Holdinq LTD" malikdir. Ölkədə məşhur "Rahat" supermarket də bu qrupa daxildir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.