Ölkə

Bu gün Azərbaycanda Laçın şəhəri günü qeyd olunur

26 Avqust 2025 00:06
Baxış: 1 278
VTB-də minimal faiz dərəcəsi ilə nağd kredit 9.9%-dən
#LAÇIN

Bu gün Azərbaycanda 26 avqust - Laçın şəhəri günü qeyd olunur.

2022-ci il avqustun 26-da Laçın şəhəri, Zabux və Sus kəndləri Azərbaycan ordusunun tam nəzarəti altında keçib.

2020-ci il noyabrın 10-da imzalanmış üçtərəfli bəyanata əsasən, Laçın rayonu 2020-ci il dekabrın 1-də Azərbaycana təhvil verilib. Lakin Laçın dəhlizi Laçın şəhərindən keçdiyinə görə, şəhər Rusiya sülhməramlı kontingentinin müvəqqəti nəzarəti altında qalıb.

Azərbaycan tərəfindən alternativ yolun istifadəyə verilməsindən sonra ordumuz 26 avqust 2022-ci ildə Laçın şəhərinə yerləşib, eyni zamanda Zabux və Sus kəndləri nəzarətə götürülüb. Şəhərdə Azərbaycan bayrağı ucaldılıb.

Beləliklə, Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə Azərbaycanın qazandığı Qələbə sayəsində Ağdam və Kəlbəcərdən başqa Ermənistan Laçın rayonunu da tərk etməyə məcbur olub.

Ali Baş Komandan İlham Əliyevin rəhbərliyi ilə Azərbaycanın müzəffər Ordusu sayəsində keçmiş məcburi köçkünlər artıq öz doğma torpaqlarında yenidən yaşaya bilirlər.
 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.