Ölkə

Bu şəxslərə ŞAD XƏBƏR - Erkən yaşda pensiya kapitalını götürə bilər

7 May 2025 14:05

Baxış: 5 165

VTB-də minimal faiz dərəcəsi ilə nağd kredit 9.9%-dən

#CƏMİYYƏT #PENSİYA

Son dövrlər pensiya kapitalından istifadə məsələsi cəmiyyətin diqqət mərkəzindədir. Dünyanın bir sıra ölkələrində bu sahədə müxtəlif modellər tətbiq olunur və vətəndaşlara fərqli hüquqlar təqdim edilir.

Milli.Az xəbər verir ki, mövzu ilə bağlı Milli Məclisin deputatı Vüqar Bayramov açıqlama verib.

Onun sözlərinə görə, hazırda Azərbaycanda vəfat etmiş şəxsin pensiya kapitalından istifadə ilə bağlı müəyyən hüquqlar mövcuddur və bu hüquqlardan vərəsələr bəzi hallarda yararlana bilirlər.

Deputat qeyd edib ki, mövcud qanunvericiliyə əsasən, vəfat etmiş ailə başçısının himayəsində olmuş şəxslər - yəni ailə üzvləri - "ailə başçısını itirməyə görə əmək pensiyası" hüququna malikdirlər.

Bu hüquq aşağıdakı şəxslərə şamil olunur:

18 yaşına çatmamış övladlar;

18 yaşına qədər əlilliyi müəyyən olunmuş və ya təhsilini əyani formada davam etdirən, lakin ən çoxu 23 yaşına qədər olan övladlar;

Pensiya yaşına çatmış və ya əlilliyi olan ata, ana, ər və ya arvad;

İşləməyən və vəfat etmiş şəxsin 8 yaşına çatmamış uşaqlarına, bacı-qardaşlarına, nəvələrinə qulluq edən baba, nənə və ya digər ailə üzvləri.

Vüqar Bayramov əlavə edib ki, "Əmək pensiyaları haqqında" Qanuna edilən son dəyişikliklərə əsasən, əgər vəfat etmiş şəxs yaşa və ya əlilliyə görə əmək pensiyası alırdısa, onun ailə üzvlərinə təyin edilən pensiyanın məbləği mərhumun aldığı əmək pensiyasının sığorta hissəsinin əmək qabiliyyəti olmayan ailə üzvlərinin sayına uyğun olaraq hesablanır.

Yeni qanun dəyişikliyinə əsasən, vəfat edən şəxsin pensiyasının hesablanmasında istifadə olunmamış pensiya kapitalı da nəzərə alınacaq. Bu isə ailə başçısını itirmiş şəxslərin əmək pensiyasının məbləğinin daha ədalətli və dəqiq müəyyənləşdirilməsinə imkan verəcək.

Kənan
Milli.Az