Ölkə

Metroda sıxlığa səbəb bu aparatdır?

11 Mart 2025 00:25
Baxış: 2 652
VTB-də minimal faiz dərəcəsi ilə nağd kredit 9.9%-dən
#CƏMİYYƏT #METRO

Bu gün səhər saatlarında Bakı metrosunun "Koroğlu" stansiyasının giriş hissəsində sıxlıq yaranıb. Vətəndaşlar metronun platforma hissəsinə daxil olmaq üçün dəqiqələrlə sıxlıqda qalmalı olublar.

Milli.Az "Xəzər Xəbər"ə istinadən xəbər verir ki, bəzi vətəndaşlar deyirlər ki, metro girişlərində quraşdırılan "X-RAY" aparatları təhlükəsizlik baxımından vacib olsa da, pik saatlarda cəmi birinin işlədilməsi sıxlıq yaradır.

Onların sözlərinə görə, xüsusilə pik saatlarda, sərnişinlərin çox olduğu vaxtlarda bu yoxlama cihazlarının hər ikisindən istifadə edilməlidir, eyni zamanda, sürətli keçidlər üçün ayrıca xətlər yaradılmalıdır.

Məsələ ilə bağlı Daxili İşlər Nazirliyindən "Xəzər Xəbər"ə bildirildi ki, Bakı Metropoliteninin bütün stansiyalarında, girişlərdə qanuna uyğun olaraq təhlükəsizlik məqsədilə zəruri tədbirlər icra olunur.

Qurumdan o da bildirildi ki, metropolitendə təhlükəsizliklə bağlı bütün zəruri tədbirlər icra olunduğundan artıq bütün çantalar "X-RAY" tipli yoxlama cihazları vasitəsilə aparılır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.