Ölkə

Yaralı və ağır yaralıların sayı açıqlandı

25 Dekabr 2024 21:53
Baxış: 1 352
VTB-də minimal faiz dərəcəsi ilə nağd kredit 9.9%-dən
#AVİAQƏZA

"Xəstəxanamıza gətirilənlərdən 14 nəfəri Azərbaycan vətəndaşıdır".

Milli.Az xəbər verir ki, bunu Qazaxıstanın Manqistau Vilayət Xəstəxanasının şöbə müdiri Janar Baymanova jurnalistlərə bildirib.

O deyib ki, gətirilən 27 pasiyentdən 11-nin vəziyyəti ağırdır: "Təyyarə qəzası nəticəsində alınan travmalar "politravma" kateqoriyasına aiddir. Bu o deməkdir ki, hazırda pasiyentin vəziyyəti orta ağırdırsa, istənilən vaxt ağırlaşa da bilər. Bizim xəstəxanamıza gətirilən 27 pasiyentdən 11 nəfərinin vəziyyəti ağırdır. Ona görə də Reanimasiya Şöbəsinə yerləşdiriliblər.

Qalan 16 nəfərin müalicəsi isə müvafiq olaraq Neyrocərrahiyyə və Travmatologiya şöbələrində davam etdirilir. Xəstə yaxınlarından bura gələn olsa da, təbii ki, onların yanına heç kim buraxılmır. Əlimizdə olan siyahı müvafiq qərargaha verilib. Xəsarət alanlar və onların qohumları ilə işləmək üçün psixoloqlar cəlb edilib. Xəstəxanamıza gətirilənlərdən 14 nəfəri Azərbaycan vətəndaşıdır".

Qeyd edək ki, bu gün AzAL-ın Bakı-Qroznı reysini yerinə yetirən təyyarəsinin Aktauda qəzaya uğraması nəticəsində 38 nəfər həlak olub, 29 nəfər yaralanıb. /APA

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.