PUL
"Laçın şəhərində yerləşən 106 saylı seçki məntəqəsi seçkiyə tam hazırdır".
Milli.Az xəbər verir ki, bu barədə "Report"a məntəqənin sədri Qardaşxan Dostuyev deyib.
Qeyd edək ki, məntəqə 121 saylı Laçın seçki dairəsinə aiddir.
O bildirib ki, artıq seçicilərə bildirişlər paylanılır:
"Qısa müddətdə seçicilərə bildirişlərin paylanması tam başa çatacaq. Çox fərəhləndiricidir ki, laçınlılar ilk dəfə doğma yurdlarında öz deputatlarını seçəcəklər".
Sədr qeyd edib ki, məntəqədə 1320 nəfər seçici var.
"Seçicilərimiz arasında 18 yaşına çataraq ilk dəfə səsvermə hüququndan istifadə edən gənclərimiz var. Eləcə də yaşlı seçicilərimiz də var ki, onlardan ən yaşlısının 96 yaşı var. Yaşı və səhhəti ilə əlaqədar seçkiyə gələ bilməyən şəxslər üçün də öz ünvanlarında səsvermə təşkil olunacaq. Bunun üçün əvvəlcədən onlar müraciət etməlidirlər", - deyə məntəqə sədri bildirib.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
