Ölkə

Obrayen İrəvanda Bakını dəstəklədi – ABŞ nə istəyir?

14 İyun 2024 08:57
Baxış: 519
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ Ermənistan ərazisindən keçməklə Türkiyə ilə Azərbaycan arasında birbaşa quru əlaqəsinin olmasında maraqlıdır.

Milli.Az axar.az-a istinadən xəbər verir ki, bu sözləri erməni politoloq Qrant Mikaelyan ABŞ Dövlət katibinin Avropa və Avrasiya məsələləri üzrə köməkçisi Ceyms Obrayenin son açıqlamalarını şərh edərkən deyib.

Mikaelyan amerikalı diplomatın sözlərini Bakının layihəsinə dəstək kimi qiymətləndirib:

"Zəngəzur dəhlizi mahiyyət etibarı ilə Ermənistan ərazisindən Naxçıvana eksterritorial marşrut əldə etmək ideyasıdır. Zəngəzur dəhlizi ilə bağlı mövqeyi çox qeyri-müəyyən olan Rusiyadan fərqli olaraq, ABŞ-ın bu mövzuda strateji marağı var. ABŞ və Türkiyə Mərkəzi Asiyada öz təsirlərini artırmaqda maraqlıdırlar, Türkiyə ilə Xəzər dənizi arasında birbaşa əlaqə bu məqsədə çatmaq üçün bir vasitə kimi qəbul edilir".

Mikaelyan ABŞ-ın indiyə qədər Zəngəzur dəhlizinə niyə bu qədər önəm verməməsinə də aydınlıq gətirməyə çalışıb. Onun iddiasına görə, indiyə qədər Zəngəzur dəhlizinə Rusiyanın nəzarət etməsi məsələsi gündəmdə idi. Ancaq son vaxtlar bu məsələ tamamilə qapandığından, ABŞ Zəngəzur dəhlizinin açılması ideyasını açıq şəkildə dəstəkləməyə başlayıb.

O istisna etməyib ki, Zəngəzur dəhlizinin təhlükəsizliyinin təmini məsələsi Türkiyəyə keçə bilər.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.