Ölkə

Vasif Talıbovun qızı da vəzifəsindən azad edildi

12 Yanvar 2023 10:39

Baxış: 5 281

#CƏMİYYƏT

"Naxçıvan Bank" ASC-nin Müşahidə Şurası (MŞ) yenidən formalaşdırılıb.

Milli.Az bu barədə Banka istinadən xəbər verir.

Məlumata görə, indiyə qədər MŞ-ya sədrlik edən Əsədulla İsgəndərov vəzifəsindən azad edilib, onun yerinə Binnət Novruzov təyin olunub. Keçmiş sədr bundan sonra Şuranın üzvü kimi fəaliyyət göstərəcəkk, onunla birlikdə Şurada həm də Rüfət Məmmədov üzv kimi təmsil olunacaq.

Bundan başqa, indiyə qədər Şuranın üzvləri olan Baharxanım Talıbova (Naxçıvan MR Ali Məclisinin keçmiş sədri Vasif Talıbovun qızı) və Rifat Mahmudov da vəzifələrindən azad ediliblər.

Xatırladaq ki, "Naxçıvan Bank" 2008-ci ildə yaradılıb, ölkənin yeganə regional bankıdır. Onun nizamnamə kapitalı 94 milyon manatdır. Bankın səhmdarları adları açıqlanmayan 4 fiziki şəxsdir.

Milli.Az