Ölkə

“Nəqşicahan holdinq”də panika: sənədlər məhv edilir

4 Dekabr 2022 13:31

Baxış: 2 250

VTB-də minimal faiz dərəcəsi ilə nağd kredit 9.9%-dən

#CƏMİYYƏT

"Nəqşicahan holdinq" qısa müddətdə öz işçilərinə rəsmi qaydada əmək müqaviləsi bağlayacağını bildirib.

Mili.Az Axar.az-a istinadən xəbər verir ki, bu barədə əslən Naxçıvandan olan ekspert Heydər Oğuz yerli mənbələrinə istinadla məlumat yayıb.

O bildirib ki, məsələn, holdinqə daxil olan "Duzdağ" otelində 80 personal varsa, onlardan yalnız 12 nəfər rəsmi olaraq qeydiyyatdadır, qalanları vergidən yayınmaq üçün rəsmiləşdirməyib.

Mənbənin iddiasına görə, DTX bir az tez müdaxilə edərsə, holdinqə daxil olan şirkətlərdə 3000-ə yaxın işçinin qanunsuz olaraq işlədiyi faktını təsbit edə bilər:

"Nəqşicahan holdinq"in köhnə dövrlərdən qalan bütün qeyri-qanuni sənədlərinin 10 dekabra qədə məhv edilməsi haqqında göstəriş verildiyi iddia edilir. Bu sənədlər alğı-satqı və bütün qanunsuz işlətdikləri işçilərin vergidənkənar hesablaşma sənədləridir".

Qeyd edək ki, holdinq Talıbovlar ailəsinə məxsusdur.

Mili.Az