Ölkə

Məktəb tikintisində işləyən şəxslər pullarını ala bilmirlər - VİDEO

11 Fevral 2022 15:56

0 Şərh Baxış: 1 371

VTB-də minimal faiz dərəcəsi ilə nağd kredit 10.49%-dən

#VİDEO

Məktəb tikintisində işləyən şəxslər pullarını ala bilmirlər

Milli.Az xəzərxəbər-ə istinadən xəbər verir ki, Lerikdə tikilən modul tipli məktəbin tikintisində çalışan 10-a yaxın şəxs 2 ilə yaxındır ki, onlara ödənəcək əməkhaqlarını ala bilrmilər. Pullarını nə zaman alacaqları ilə bağlı tikintini aparan şirkətə dəfələrlə müraciət etsələr də onlara vədlərdən başqa heç nə verilməyib. Lerikə yollanan əməkdaşlarımız işçilərin haqqının niyə verilmədiyini araşdırıb.

Son illər ucqar kəndlərdə qəzalı vəziyyətdə olan ümumtəhsil məktəblərinin bir çoxu modul tipli məktəblərlə əvəz olunur. Belə təhsil ocaqlarından biri də 2020-ci ilin avqust ayında Lerik rayonu Loda kəndində inşa olunan modul tipli məktəbdir.

Məktəb keçmiş "PDL" MMC, indiki adı isə "Modenko" MMC-tərəfindən ucqar dağ kəndində inşa olunub. İstifadəyə verilməsinə az qalmış tikintini icra edən şirkətin iş icraçısı 10-a yaxın işçiyə ödəniləcək əmək haqqını ödəməyib.

Əmək haqlarını ala bilməyən işçilər dəfələrlə aidiyyatı qurumlara müraciət etsələr də, onlara cavab verən tapılmayıb.

Vətəndaşların müraciətindən sonra şirkətdən bildirilib ki, sizə pulları rəhbərlik edən şəxs ödəməlidir. Biz də adı çəkilən tikintinin iş icraçısı Vüqar Zeynalovla əlaqə saxladıq. O, bildirdi ki, məktəbi təhvil vermədiyi üçün ona verilməli olan pulu şirkətdən ala bilməyib. Bu səbəbdən də tikintidə işləyənlərin haqqını hələ də ödəyə bilmir.

Vətəndaşlar isə bildirir ki, haqqlarını ala bilməsələr hüquq mühafizə orqanlarına müraciət edəcəklər.

Milli.Az