Avto

"Mercedes-Maybach S-Class"ın Azərbaycanda premyerası

26 Noyabr 2021 15:15

Baxış: 3 109

VTB-də minimal faiz dərəcəsi ilə nağd kredit 9.9%-dən

25 ildir ki, daha yaxşısı üçün çalışan "Autostar Kaukasus" bu il Azərbaycanda yeni "Mercedes-Maybach S-Class" modelinin təqdimatını rəsmi distribütor ilə birlikdə "Fairmont Baku Hotel"də keçirib. Premyera zamanı avtomobil gecənin qonaqlarına markanın adına uyğun şəkildə modelin texnoloji və innovativ tərəflərini vurğulayan xüsusi effektlərin köməyilə nümayiş olunub.

Yeni "Mercedes-Maybach S-Class" avtomobil istehsalını yeni yüksəkliyə çıxarır, onsuz da yüksək olan komfort standartlarını bir az da qaldırır. Avtonom idarəetməyə doğru daha bir addım atan model özündə ən qabaqcıl texnologiyalar və dəbdəbəli hərəkətlilik konsepsiyasını əks etdirir.

"S-Class" yüksək təhlükəsizlik və unikal rahatlıq səviyyəsinə sahibdir. Belə ki, "MBUX"-in arxa hissəsində salonun yeni köməkçisi, diqqətli xidmətçi kimi avtomobildə olan insanların ehtiyaclarına reaksiya verir. Onun köməyilə interyerin arxa hissəsində adaptiv işıqlandırma sisteminin bir çox funksiyalarını təmassız olaraq idarə etmək mümkündür. Bundan başqa, siz arxa oturacaqda yerinizi tutan kimi, salonun arxa hissəsindəki təhlükəsizlik kəmərinin təqdim edilməsi mexanizmi avtomatik olaraq aktivləşir.

Yeni nəsil "Mercedes-Maybach S-Class" dəbdəbəli avtomobil seqmentinin liderləri arasında yüksək sənətkarlıq məharətinin nümayişi və üstün dizayn nümunəsi olaraq yer alır. Bu təkrarolunmaz model ilə 25 ildir ki, "Mercedes-Benz" brendinin Azərbaycanda rəsmi dileri olan Autostar Kaukasus-da tanış ola bilərsiniz.