PUL
.jpg)
.png)
Yay mövsümünün yaxınlaşması ilə avtomobil sahiblərinə mühüm tövsiyələr verilir. Mütəxəssislər isti hava şəraitində avtomobillərin düzgün istismar olunmamasının texniki problemlərə və qəfil nasazlıqlara səbəb ola biləcəyini bildirirlər.
Milli.Az xəbər verir ki, avtoekspertlərin fikrincə, ilk növbədə avtomobilin soyutma sistemi, mühərrik yağı, təkərlərin vəziyyəti, kondisioner sistemi və akumulyator diqqətlə yoxlanılmalıdır.
Yayda avtomobilin mühərriki daha çox isinməyə meylli olduğundan radiatorun və soyuducu mayenin səviyyəsi yoxlanmalı, ehtiyac varsa dəyişdirilməlidir.
"Ən çox rast gəlinən problemlərdən biri də kondisioner sisteminin zəif işləməsidir. Bu həm sürücünün komfortuna, həm də texniki təhlükəsizliyə təsir edir. Buna görə də yay mövsümündən öncə sistemin qaz səviyyəsi və filtrləri yoxlanmalıdır," - deyə mütəxəssis əlavə edib.
Bundan əlavə, yay aylarında yol səthinin temperaturu artdığı üçün təkərlərin hava təzyiqinə də xüsusi diqqət yetirilməlidir. Normadan artıq şişirdilmiş təkərlər partlama riski yarada bilər.
Ekspertlər sürücülərə şüşə suyunun yay növü ilə əvəz olunmasını, maşın daxilində ehtiyat su saxlanılmasını və avtomobili uzun müddət gün altında saxlamamağı da tövsiyə edirlər.
Qeyd edək ki, isti hava şəraitinə uyğun şəkildə hazırlanmayan avtomobillər daha çox nasazlıq riski ilə üzləşir və bu, həm maddi, həm də təhlükəsizlik baxımından ciddi nəticələrə səbəb ola bilər.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
