Cəmiyyət

"Sevgilim" şadlıq sarayından iddialara REAKSİYA - YENİLƏNİB

29 May 2025 10:42

Baxış: 4 463

VTB-də minimal faiz dərəcəsi ilə nağd kredit 9.9%-dən

#CƏMİYYƏT #ŞADLIQ SARAYI

Xəbər verdiyimiz kimi, ötən gün Sumqayıt şəhərində fəaliyyət göstərən "Sevgilim" şadlıq sarayının xidmətlərindən toy sahibləri şikayət ediblər.

Milli.Az xəbər verir ki, onların sözlərinə görə, sifariş verdikləri menyu və xidmət göstərilən standartlar arasında böyük fərq olub və bunun nəticəsində onlar özlərinin aldadıldığını iddia edirdilər.

Məsələ ilə bağlı "Sevgilim" Şadlıq Sarayının rəhbəri Zaur Vəliyev açıqlama verərək bildirib ki, təqdim olunan məlumatlar həqiqəti əks etdirmir və əsassız iddialar əsasında hazırlanmışdır:

"Bu cür iddialar ictimai rəyə yanlış təsir göstərməklə yanaşı, uzun illərdir peşəkar fəaliyyət göstərən müəssisəmizin imicinə də əsassız zərbə vurur.

Qeyd edək ki, məqalədə adı çəkilən Eyvazov Vüqar adlı toy sahibi ilə aparılan birbaşa danışıq zamanı məlum olmuşdur ki, qeyd olunan tədbir zamanı heç bir narazılıq baş verməmiş, göstərilən xidmətlərdən tam razılıq ifadə edilmişdir.

Şadlıq sarayımız daim müştəri məmnuniyyətini əsas prinsiplərindən biri hesab edir və bu dəyərlərə uyğun şəkildə fəaliyyətini davam etdirir".

Sözügedən problemlə bağlı toy yiyəsi isə bildirib ki, həmin şikayəti onun yaxın dostu onun adından edib və həmin gün baş tutan toydan heç bir şikayəti olmadıqlarını deyib.

Asya
Milli.Az